سەيسەنبىدە ەلىمىزدىڭ باسىم بولىگىندە جاۋىن جاۋادى

استانا. قازاقپارات - 24- ساۋىردە اتموسفەرالىق اعىنداردىڭ وتۋىنە بايلانىستى قازاقستاننىڭ باسىم بولىگىندە نايزاعاي جارقىلداپ، جاۋىن جاۋادى، تۇمان تۇسەدى، ەكپىندى جەل سوعادى، دەپ حابارلايدى قازگيدرومەت.

قىزىلوردا وبلىسىنىڭ كەي جەرلەرىندە تۇمان ءتۇسىپ، داۋىل سوعادى، بۇرشاق جاۋۋى ىقتيمال. جەل جىلدامدىعى 15-20 م/س جەتىپ، كۇندىز 23 م/س كۇشەيەدى.

جامبىل وبلىسىنىڭ كەي جەرلەرىندە جەلدىڭ كۇشى 15-20، كۇندىز ەكپىنى 23-28 م/س جەتەدى.

اقمولا، قوستاناي، سولتۇستىك قازاقستان، قاراعاندى وبلىستارىنىڭ كەي جەرىندە تۇمان بولىپ، جەل ەكپىنى 15-20 م/س كۇشەيەدى.

وڭتۇستىك قازاقستان، ماڭعىستاۋ وبلىستارىندا، كۇندىز اتىراۋ، باتىس قازاقستان، الماتى وبلىستارىنىڭ كەي جەرلەرىندە جەلدىڭ كۇشەيۋى 15-20 م/س جەتەدى.

باتىس قازاقستان وبلىسىنىڭ كەي جەرلەرىندە تۇمان تۇسەدى، الماتى وبلىسىنىڭ كەي جەرلەرىندە كۇندىز بۇرشاق بولۋى ىقتيمال.

شىعىس قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان بولىپ، كۇندىز جەل 15-20 م/س كۇشەيۋى كۇتىلەدى.