جازىقسىز جانعا جالا جاپقان پوليتسەي سوتتالدى
وعان دالەلدەمەلەردى قولدان جاسادى دەپ ايىپ تاعىلعان، دەپ حابارلايدى قازاقپارات ءتىلشىسى.
قىزىلوردا وبلىسىنىڭ مامانداندىرىلعان اۋدانارالىق اكىمشىلىك سوتىنىڭ حابارلاۋىنشا، پوليتسيا قىزمەتكەرىنە تاعىلعان ايىپ تولىقتاي دالەلدەندى. ول ايەل كىسىگە كولىكتى ماساڭ كۇيدە جۇرگىزگەنى ءۇشىن ايىپپۇل سالعان. ءتىپتى، ونى زاڭسىز تۇردە ناركوديسپانسەرگە بارىپ تەكسەرىلۋگە ءماجبۇر ەتكەن.
«وعان قوسا كولىكتى بىرنەشە مەتر جەرگە دەيىن زاڭسىز جۇرگىزگەن. بويجەتكەننىڭ ۇستىنەن مامانداندىرىلعان اۋدانارالىق اكىمشىلىك سوتىنا ءىس تۇسىرگەن. نەگىزىندە قىز بالا ەسىك الدىنداعى كولىكتە قۇربىسىمەن اڭگىمەلەسىپ وتىرعان ەكەن. سوت قۇجاتتاردى ساراپتاي كەلە بويجەتكەننىڭ ەشقانداي كىناسى جوق ەكەنىنە كوز جەتكىزدى»، دەپ جازىلعان حابارلامادا.
وبلىستىق پروكۋراتۋرا جۇمىسىنا سالعىرتتىق جاساعان پوليتسيا قىزمەتكەرىنىڭ ۇستىنەن قىلمىستىق ءىس قوزعاۋ جونىندە شەشىم قابىلدادى. ول ءبىر جىلعا باس بوستاندىعىنان ايىرىلدى. تۇرعىلىقتى جەرىندە ارنايى باقىلاۋ ورىندارىنىڭ نازارىندا بولادى.