قازاقستاننىڭ مەملەكەتتىك قىزمەتشىلەرى بىلىمدەرىن مالايزيادا جەتىلدىرەتىن بولدى

None
None
استانا. قازاقپارات - ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى ايگۇل شايىموۆا باستاعان دەلەگاتسيا وكىلدەرى مالايزيانىڭ مەملەكەتتىك قىزمەت ىستەرى دەپارتامەنتىنىڭ باس ديرەكتورى داتو نور ينچۋن موحامەد ساللەح حانىممەن كەزدەستى، دەپ حابارلايدى قازاقپارات قازاقستاندىق ۆەدومستۆونىڭ باسپا ءسوز قىزمەتىنە سىلتەمە جاساپ.

«ەكى ەل اراسىنداعى مەملەكەتتىك قىزمەتتى جەتىلدىرۋ باعىتىنداعى ىنتىماقتاستىقتى كەڭەيتۋ تۋرالى كەلىسىم جاسالدى. كەلىسىم قازاقستاندىق مەملەكەتتىك قىزمەتشىلەردى مالايزيانىڭ مەملەكەتتىك باسقارۋ ۇلتتىق ۋنيۆەرسيتەتىندە وقىتۋ ارقىلى جۇزەگە اسىرىلماق. سونىمەن قاتار مالايزيالىق ساراپشىلار وسى سالاداعى ۇزدىك تاجىريبەلەر تۋرالى اقپاراتتارمەن جانە تاجىريبەمەن ءبولىسۋ ماقساتىندا وقىتۋ لەكتسيالارىن وتكىزەتىن بولادى»، - دەلىنگەن حابارلامادا.

كەزدەسۋ بارىسىندا مالايزيا تاراپى قازاقستاندىق دەلەگاتسيانى مەملەكەتتىك باسقارۋ مەن مەملەكەتتىك قىزمەتتى جەتىلدىرۋ باعىتىنداعى تاجىريبەلەرىمەن تانىستىردى.

ءوز كەزەگىندە قازاقستاندىق دەلەگاتسيا مالايزيالىق ارىپتەستەرىن كاسىبي مەملەكەتتىك اپپاراتتى قالىپتاستىرۋ، كورسەتىلەتىن مەملەكەتتىك قىزمەتتەردىڭ ساپاسىن ارتتىرۋ، سىبايلاس جەمقورلىققا قارسى كۇرەس باعىتىندا اتقارىلىپ جاتقان شارالارمەن تانىستىردى.

كەزدەسۋ سوڭىندا تاراپتار ەكى ەلدىڭ ۆەدومستۆولارى اراسىندا ءوزارا تۇسىنىستىك تۋرالى مەموراندۋمعا قول قويۋ جونىندە كەلىستى.

سوڭعى جاڭالىقتار