قازاقپارات قىزمەتكەرى اسىق اتۋ چەمپيوناتىندا جەڭىمپاز اتاندى
بۇعان دەيىنگى اسىق اتۋ چەمپيوناتتارى قوستاناي، ورال، كوكشەتاۋ قالالارىندا وتكەن ەدى.
«اسىق سپورتى جىلدان-جىلعا دامىپ كەلەدى. ەلىمىزدىڭ ءتۇرلى وڭىرلەرىندە اسىق اتۋ ۇيىرمەلەرى اشىلىپ، بالاباقشالاردا اسىق- تەراپيا ەنگىزىلىپ جاتىر. چەمپيوناتقا قاتىسۋشى كوماندالار سانى دا ارتىپ كەلەدى. بيىلعى كوماندالار رەسپۋبليكامىزدىڭ 7 وڭىرىنەن، اتاپ ايتقاندا، بقو، قىزىلوردا، وقو، استانا، اقمولا، قوستاناي جانە سقو- دان جينالدى»، - دەيدى استانا قالاسىنىڭ اسىق اتۋدان اعا جاتتىقتىرۋشىسى ەسكەندىر راحمەتوۆ.
ەرلەر اراسىنداعى اسىق اتۋدا استانا قالاسىنىڭ قۇراماسى مىرزامۇرات قايىپبەكوۆ، ءادىلحان جۇماعۇلوۆ، نۇرعانات مولجىگىتوۆ وزىق شىعىپ، ەكى دۇركىن چەمپيون اتاندى. قىزدار اراسىندا دا بەس اسىقتان ەلوردالىق ارۋلار انار قوجانيازوۆا، ساياگۇل جارىلقاسىن، ايجان سەرىكوۆا باسىم ءتۇستى.
ايتا كەتەيىك، جەڭىمپاز كوماندا قۇرامىنداعى ساياگۇل جارىلقاسىن - «قازاقپارات» حالىقارالىق اقپارات اگەنتتىگىنىڭ شىعارۋشى رەداكتورى.
ەرلەر اراسىنداعى رەسپۋبليكالىق اسىق اتۋ سايىسىندا قوستاناي وبلىسى قۇراماسى ەكىنشى ورىندى، و ق و اسىقشىلارى - ءۇشىنشى ورىندى جەڭىپ الدى.
قىزدار اراسىنداعى «بەس اسىق» سايىسىندا جۇلدەلى ورىنداردى س ق و جانە قوستاناي قىزدارى تۇيىندەدى.
اسىق - قازاقتىڭ ەجەلدەن كەلە جاتقان ۇلتتىق ويىندارىنىڭ ءبىرى. اسىق ويناعان بالانىڭ جىلدامدىعى، مەرگەندىگى دامىپ، الىستان كورۋ قابىلەتى ارتادى، اياق-قولى شيراق قيمىلداپ، ەپتى بولا تۇسەدى.
