15:46, 22 - ءساۋىر 2018 | GMT +6
قازاقستاندىق جاس اكتەر رەسەيلىك فيلمدە فۋتبولشىنىڭ ءرولىن سومدادى
استانا. قازاقپارات - استانالىق 22 جاستاعى اكتەر اسقار ءىلياسوۆ دانيلا كوزلوۆسكيدىڭ «ترەنەر» اتتى فيلمىنە ءتۇستى.
رەسەي كينوجوۇلدىزىنىڭ دەبيۋتتىك رەجيسسەرلىق جوباسى سانالاتىن فيلمدە جەرلەسىمىز ايگىلى فۋتبولشىنىڭ ءرولىن سومداعان، دەپ حابارلايدى «قازاقپارات» ح ا ا.
«دانيلا كوزلوۆسكيدىڭ «ترەنەر» فيلمى پروكاتقا شىقتى. ونداعى باستى كەيىپكەرلەردىڭ ءبىرىن سومداعان اسقار ءىلياسوۆ ماسكەۋدەگى ب. شۋكين اتىنداعى تەاتر ينتيتۋتىنىڭ تۇلەگى. قازىر ول ماسكەۋ اكادەميالىق ساتيرا تەاترىندا جۇمىس ىستەيدى»، - دەپ جازادى Astana film fund كومپانياسى ينستاگرامداعى پاراقشاسىندا.
اسقار بۇدان بولەك رەجيسسەر اقان ساتايەۆتىڭ «بيزنەسمەندەر» كينوكارتيناسىنا تۇسكەن. بۇل - 90- جىلداردا بيزنەس اشپاق بوللعان ءۇش دوستىڭ وقيعاسىنا نەگىزدەلىپ تۇسىرىلگەن فيلم. اتالمىش تۋىندى پروكاتقا 2018 -جىلدىڭ كۇزىندە شىعادى دەپ جوسپارلانعان.