استانادا تۇرعىن ۇيلەردى باسقارۋدىڭ ونلاين جۇيەسى ازىرلەنۋدە
كەڭەسكە ق ر ينۆەستيتسيالار جانە دامۋ ءمينيسترى جەڭىس قاسىمبەك، استانا اكىمى اسەت يسەكەشەۆ، ينۆەستيتسيالار جانە دامۋ ۆيتسە-ءمينيسترى قايىربەك وسكەنبايەۆ، «ت ك ش قازورتالىعى» ا ق باسقارما ءتوراعاسى نۇرسۇلتان جيەنبايەۆ، وبلىستىق اكىمدىكتەردىڭ ەنەرگەتيكا جانە ت ك ش بولىمدەرىنىڭ باسشىلارى، تۇرعىن ءۇي ينسپەكسياسى جانە تابيعي مونوپوليالار سۋبەكتىلەرى قاتىستى.
اسقار جۇماعاليەۆ كەڭەس ينفراقۇرىلىم جانە تۇرعىن ءۇي كەشەنىن دامىتۋدىڭ نەگىزگى باعىتتارىن تالقىلاۋ مەن سالانى دامىتۋدىڭ نەگىزگى ينديكاتورلارىمەن ولشەۋ قۇرالدارى جانە سيفرلاندىرۋ بويىنشا جول كارتاسىن ازىرلەۋ ماقساتىندا ءوتىپ وتىرعانىن ايتتى.
«ت ك ش قازورتالىعى» باسقارما ءتوراعاسى نۇرسۇلتان جيەنبايەۆ ينفراقۇرىلىم جانە تۇرعىن ءۇي كەشەنىن سيفرلاندىرۋدىڭ جوسپارى مەن ونى ەنگىزۋدىڭ ارتىقشىلىقتارى تۋرالى مالىمدەدى.
كوممۋنالدىق جەلىلەردى سيفرلاندىرۋ ەسەپشوتتار جاسالعان كەزدە اشىقتىقتى قامتاماسىز ەتەتىن كورسەتكىشتەردى اۆتوماتتى تۇردە جيناۋعا مۇمكىندىك بەرەدى. ءۇيدى باسقارۋدىڭ ونلاين- جۇيەسى باسقارۋشى كومپانيالاردىڭ وپەراتسيالىق قىزمەتىنىڭ اشىقتىعىن قامتاماسىز ەتەدى. تۇرعىن ءۇي قورىن ەلەكتروندى پاسپورتتاۋ ەلىمىزدە كوپ پاتەرلى تۇرعىن ۇيلەردىڭ سانى مەن تەحنيكالىق جاي- كۇيى تۋرالى دۇرىس اقپاراتقا كوز جەتكىزۋگە مۇمكىندىك بەرەدى. سونىمەن قاتار، تابيعي مونوپوليا سۋبەكتىلەرىن جوسپارلى سيفرلاندىرۋ ولاردىڭ قىزمەتىن باقىلاۋعا جانە ەنەرگيانى ءوندىرۋ مەن تۇتىنۋ تەڭگەرىمىن جاقسارتۋعا جول اشادى.
«وسى دەرەكتەردىڭ ءبارى قازىرگى تاڭدا ينۆەستيتسيالار جانە دامۋ مينيسترلىگىنىڭ تاپسىرماسى بويىنشا «ت ك ش قازورتالىعى» ازىرلەپ جاتقان ءبىرىڭعاي ينتەللەكتۋالدىق اقپاراتتىق جۇيەنىڭ نەگىزىن قۇرايدى. جۇيە پايدالانۋشىلارى ءۇي تۇرعىندارى، باسقارۋشى كومپانيالار، اكىمدىكتەر، مەملەكەتتىك ورگاندار، كوممۋنالدىق كاسىپورىندار بولادى. ءىس جۇزىندە بۇل ينفراقۇرىلىم جانە تۇرعىن ءۇي كەشەنىندە «ءبىر تەرەزە» بولادى. ول سەكتوردىڭ بارلىق قاتىسۋشىلارى ءۇشىن بيزنەس- پروتسەستەردىڭ اشىقتىعىن قامتاماسىز ەتەدى. بۇل، ەڭ الدىمەن، ۇيلەردىڭ تۇرعىندارىنا قاتىستى، ولار تۇرعىن ءۇي مەن پاتەر تۋرالى اقپاراتقا قول جەتكىزە الادى، كوممۋنالدىق قىزمەتتەردى ناقتى تۇتىنۋعا باقىلاۋ جاساپ، ءۇيدى باسقارۋعا قاتىسىپ، ونلاين رەجيمدە شاعىم بەرىپ ءارى ۇسىنىس جاساي الادى»، - دەپ اتاپ ءوتتى نۇرسۇلتان جيەنبايەۆ.
بۇدان وزگە، كەزدەسۋدە كوپ پاتەرلى تۇرعىن ۇيلەردىڭ سانى مەن جاي-كۇيى تۋرالى ناقتى دەرەكتەردىڭ جوقتىعىنا، ولاردى ەسەپكە الۋ قۇرالدارىمەن جابدىقتاۋعا، ءارتۇرلى ستاندارتتار بويىنشا جۇمىس ىستەيتىن قوندىرعىلاردى ورتالىقتاندىرىلماعان ساتىپ الۋعا، ينفراقۇرىلىم جانە تۇرعىن ءۇي كەشەنىندەگى اقپاراتتىق رەسۋرستارعا ءارتۇرلى تاسىلدەرىنە، تۇرعىن ءۇي- كوممۋنالدىق شارۋاشىلىق سالاسىندا ءموبيلدى قوسىمشالاردىڭ ازدىعىنا قاتىستى جانە تەحنيكالىق پارامەترلەرگە ءبىرىڭعاي تالاپتار بولماۋى تۋرالى سيفرلاندىرۋ ماسەلەلەرى قارالدى.
وسىعان بايلانىستى جەرگىلىكتى اتقارۋشى ورگاندارعا كوپپاتەرلى تۇرعىن ۇيلەردى بىرىكتىرۋ، تۇرعىن ءۇي قورىن تۇگەندەۋ، قولدانىستاعى جەرگىلىكتى اقپاراتتىق جۇيەلەر مەن رەسۋرستار، تابيعي مونوپوليالار سۋبەكتىلەرىن جانە ت. ب. وڭىرلىك باعدارلاماسىن ازىرلەۋ جونىندەگى ماسەلەلەردى پىسىقتاۋ تاپسىرىلدى.
«ت ك ش قازورتالىعى» باسشىلىعى ينفراقۇرىلىم جانە تۇرعىن ءۇي سالاسىنداعى جاڭا تەحنولوگيالار مەن جوبالاردى تانىستىردى. ماسەلەن، كومپانيا قازاقستانداعى شاعىن جانە ورتا بيزنەسكە ارنالعان Global Cleantech Innovation Programme (GCIP) باعدارلاماسىن ىسكە اسىرۋ ءۇشىن «جاھاندىق ەكولوگيالىق قورمەن» ىنتىماقتاستىق ورناتۋدى جوسپارلاپ وتىر. بۇل جاڭارتىلاتىن ەنەرگيا كوزدەرىن دامىتۋ، ەنەرگيا تيىمدىلىگى، قالدىقتاردى باسقارۋ جانە رەسۋرستاردى ۇنەمدەۋ سالاسىنداعى يننوۆاتسيالىق ستارتاپ جوبالاردى ىسكە اسىرۋعا جول اشادى. سونداي-اق، جاقىن ارادا ينفراقۇرىلىم جانە تۇرعىن ءۇي كەشەنى سالاسىنداعى جوعارى بىلىكتى مامانداردى دايارلايتىن قۇزىرەتتىلىك ورتالىعىن اشۋ جوسپارلانىپ وتىر.
سونىمەن قاتار، عيماراتتاردى جوبالاۋدا زاماناۋي تەحنولوگيالاردى دامىتۋ ءۇشىن 3D زەرتحانا قۇرۋ جوسپاردا بار. زەرتحانالىق كەشەنگە سۋدىڭ فيزيكا- حيميالىق زەرتحاناسى، ەنەرگيا ۇنەمدەۋ زەرتحاناسى جانە جاڭا قۇرىلىس ماتەريالدارى، موبيلدى زەرتحانالار كىرەدى. سونداي-اق، قوناقتار ەنەرگەتيكالىق ءتيىمدى كۆارتال جوباسىمەن تانىسىپ، ەنەرگيا ۇنەمدەيتىن تەحنولوگيالار كورمەسىنە باردى.