وتاندىق جانە الەمدىك عارىش سالاسىنىڭ جەتىستىكتەرى
بۇل تۋرالى قازاقپارات ق ر قورعانىس جانە اەروعارىش ونەركاسىبى مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى .
استانا قالاسىنىڭ 20 جىلدىعىنا وراي «KADEX - 2018» كورمەسى جاڭا فورماتتا وتەدى. اتالعان ءىس- شارا ق ر قورعانىس جانە اەروعارىش ونەركاسىبى مينيسترلىگىنىڭ قامقورلىعىندا وتەتىن العاشقى كورمە.
بيىلعى جىلعى كورمەدە الەمنىڭ جەتەكشى وندىرۋشىلەرىنىڭ قارۋ- جاراق جانە اسكەري تەحنيكالارى ۇسىنىلاتىن بولادى. «KADEX - 2018» كورمەسىنە كەلۋشىلەر قورعانىس- ونەركاسىپ كەشەنى مەن عارىش سالاسىنىڭ سوڭعى جەتىستىكتەرى مەن كەلەشەگى بار عىلىم جاڭالىقتارىمەن تانىسا الادى.
«KADEX - 2018» كورمەسىنىڭ وزگەشە جاڭالىعى ونىڭ اۋماعىندا «قازاقستانداعى عارىش كۇندەرى» حالىقارالىق فورۋمىنىڭ وتكىزىلۋى بولماق. تۇڭعىش رەت كورمەدە وتاندىق جانە الەمدىك عارىش سالاسىنىڭ جەتىستىكتەرىنە ارنالعان جەكە پاۆيلون بولادى.
كورمەنىڭ العاشقى كۇنى «KADEX - 2018» ەمبلەماسىمەن بىرگە ارنايى پوشتا ءمورى سوعىلعان كونۆەرتتەگى قازعارىشتىڭ 25 جىلدىعىنا ارنالعان پوشتالىق ماركانى اينالىمعا شىعارۋ ءراسىمى وتەدى. كەز كەلگەن ادام ەستەلىككە كورمە اۋماعىنان ماركا مەن پوشتا ءمورى سوعىلعان كونۆەرت الا الادى.
وندا قارۋ- جاراق ۇلگىلەرىن كورسەتۋدەن بولەك، باعدارلامانىڭ ىسكەرلىك بولىمىنە دە نازار اۋدارىلادى. باعدارلامانىڭ عىلىمي- ىسكەرلىك بولىمىندە جالپى جانە سەكتسيالىق وتىرىس، كونفەرەنتسيا، «دوڭگەلەك ۇستەل» فورماتىندا بارلىق ەلدەردىڭ ماماندارى قورعانىس جانە قاۋىپسىزدىك، الەمدىك عارىش سالاسىن دامىتۋ ماسەلەلەرى توڭىرەگىندە پىكىر الماسىپ، زامانۋي كەزەڭدە كيبەرقورعانىسپەن قامتاماسىز ەتۋ سۇراقتارى تالقىلانادى.
كورمەنىڭ ىسكەرلىك باعدارلاماسى اياسىندا «Cyber and Digital Security» ي «Advanced Def Tech» كونفەرەنتسيالارى وتەدى. بۇل شارالار الەمنىڭ ءتۇرلى ەلىنەن كەلگەن ماماندار مەن ەكسپەرتتەر قورعانىس ونەركاسىبى، اسكەري- تەحنيكالىق ىنتىماقتاستىق، عارىش قىزمەتى مەن اقپاراتتىق قاۋىپسىزدىك ماسەلەلەرىن تالقىلايتىن كورمەنىڭ ورتالىق ديالوگتىق اۋماعى بولماق.
«KADEX - 2018» كورمەسى العاشقى ەكى كۇن ارنايى ماماندار ءۇشىن جۇمىس ىستەيدى ال 25-26 - مامىردان باستاپ شارانى قالا تۇرعىندارى ەركىن تاماشالاي الادى.
ايتا كەتەرلىگى، «KADEX» كورمەسى 2010 - جىلدان بەرى وتكىزىلىپ كەلەدى. ول قارۋ- جاراق، اسكەري جانە ارنايى تەحنيكالاردى، اقپاراتتىق قاۋىپسىزدىك سالاسىنداعى تەحنولوگيالاردى كورسەتۋ تۇرعىسىندا الەمنىڭ جەتەكشى كورمە الاڭىنا اينالدى.