الەمدە نە بولىپ جاتىر؟

 استانا. قازاقپارات - الەمنىڭ ءار تۇكپىرىندە نەشە ءتۇرلى جاڭالىق بولىپ جاتىر. ءبىر جەردە كەلىسسوز، ەكىنشى جەردە سوعىس... ايتەۋىر ادامزات بالاسى الاڭدايتىن نارسە از بولماي تۇر.

***

سولتۇستىك كورەيا يادرولىق سىناقتى توقتاتتى

سولتۇستىك كورەيا ەلدىڭ سولتۇستىگىندەگى يادرولىق پوليگوندى جاۋىپ، ەندى سىناق جاساۋدى توقتاتاتىنىن ءمالىم ەتتى. بۇل تۋرالى وڭتۇستىك كورەيانىڭ Yonhap اقپاراتتىق اگەنتى حابارلادى.

سولتۇستىك كورەيا وسى قادامى ارقىلى ا ق ش- قا بەرگەن ۋادەسىن ورىنداماق نيەتتە. اتالعان جارلىق 21 - ساۋىردەن باستاپ كۇشىنە ەندى. يادرولىق پوليگوندى جاۋىپ، سىناق جاساۋدى توقتاتۋ تۋرالى شەشىم سولتۇستىك كورەيا باسقارۋشى پارتياسىنىڭ ورتالىق كوميتەتىندە تالقىلاندى.

 كيم چەن ىننىڭ بۇل ارەكەتىن ا ق ش پرەزيدەنتى قۋانا قۋاتتاپ، «بۇل الداعى بولاتىن ءسامميتتىڭ جۇمىسىنا سەرپىن بەرەدى» ، -  دەپ مالىمدەدى.

- بۇل بەيبىتشىلىك سۇيگىش ادام بالاسى ءۇشىن ۇلكەن قۋانىش. ەندى ءسامميتتى كۇتەمىز، - دەپ جازدى ا ق ش پرەزيدەنتى ءوزىنىڭ تۆيتتەرىندە.

سولتۇستىك كورويانىڭ بۇل شەشىمىن وڭتۇستىكتەگى تۇراتىن اعايىندار دا قۇپتاپ جاتىر.

اق ءۇيدىڭ اقپارات كوزدەرى ءمالىم ەتكەندەي، ا ق ش پەن سولتۇستىك كورەيا مەملەكەت باسشىلارى اراسىندا وتەتىن سامميت مامىر ايىنىڭ سوڭىندا نەمەسە ماۋسىم ايىنىڭ باسىندا ءوتۋى مۇمكىن.

تۇركيا ا ق ش- تاعى التىن قورىن قايتارىپ الدى

ا ق ش- پەن اراداعى ساياسي جاعدايدىڭ كۇرت ناشارلاۋىنا بايلانىستى تۇركيا وسى ەلدە ساقتالىپ تۇرعان التىن قورىنىڭ بارلىعىن قايتارىپ الدى. بۇل تۋرالى Haber 7 اقپاراتتىق پورتالى حابارلادى.

 ال ناقتى ايتار بولساق، امەريكانىڭ فەدەرالدىق قورىندا تۇركيانىڭ 28,7 توننا التىنى ساقتالىپ كەلگەن. ونىڭ جارتىسىن تۇرىك مەملەكەتى سوڭعى ايلاردا ءوز ەلىنە اكەلدى. سونداي- اق شۆەيتساريا مەن انگليانىڭ حالىقارالىق بانكتەرىندە دە ساقتاۋدى ۇيعاردى.

جالپى تۇركيانىڭ التىن قورىنىڭ كولەمى 544,6 توننا، ال اقشالاي ەسەپتەگەندە 20 ميلليارد دوللار ەكەنىن ايتا كەتكەن ءجون.

 

ۋكراين ازاماتتىعىنان ايىرۋدى سۇرادى

  ۋكراينا پرەزيدەنتى پەتر پوروشەنكو قىرىم حالقىن ۋكراينا ازاماتتىعىنان ايىرۋ تۋرالى جارلىققا قول قويدى. پرەزيدەنتتىڭ ويىنشا، وككۋپاتسيالانعان تەرريتوريادا رەسەيلىك تولقۇجاتپەن جۇرگەن قىرىم رەسپۋبليكاسىنىڭ تۇرعىندارى ەندى ۋكراينا ازاماتى بولىپ سانالمايدى.

  جالپى رەسەيگە قارسى بۇكىل ۇگىت- ناسيحات جۇمىستارىن بارىنشا جۇرگىزىپ جاتقان رەسمي كييەۆ وسىدان بىرەر اپتا بۇرىن قىرىمدىقتارعا تاعى ءبىر قىسىم جاساعانى بەلگىلى. ۋكراينانىڭ شەكارالىق قىزمەتى قىرىمنىڭ «نورد» كەمەسىنىڭ تەڭىزشىلەرىن ۇستاپ الىپ، ولاردىڭ قولىنداعى رەسەي ءتولقۇجاتىن تارتىپ الدى. بۇل ارەكەتكە قارسى رەسەي تاراپى قاتاڭ جاۋاپ قاتقانى بەلگىلى. سوڭعى ءتورت جىلدان بەرى ديپلوماتيالىق قارىم- قاتىناستى مۇلدەم ۇزگەن ەكى ەلدىڭ اراسى قازىر ۋشىعىپ كەتتى. ءبىراق پوروشەنكونىڭ بۇل قادامىن رەسەيلىك ساراپشىلار سان - ساققا جۇگىرتۋدە. رەسەي مەملەكەتتىك دۋماسىنىڭ سەناتورى الەكسەي پۋشكوۆ «پەتر پوروشەنكو وسى ارەكەتى ارقىلى قىرىمنىڭ رەسەيگە قوسىلعانىن مويىنداپ وتىر» دەپ مالىمدەدى.

 دەرەككە جۇگىنسەك، 2014 -جىلى قىرىم حالقىنىڭ 96, 77, سيەۆاستوپول قالاسىنىڭ 95,6 پايىزى رەسەيگە قوسىلۋ جونىندە داۋىس بەرگەنى بەلگىلى.

 100 دەن اسقانداردىڭ سانى ارتىپ بارادى

 رەسەي زەينەتاقى قورىنىڭ ءتوراعاسى انتون دروزدوۆ وسى اپتانىڭ ورتاسىندا بۇرىن جاريالانباعان دەرەكتەردى جاريا ەتتى.

 ونىڭ ايتۋىنا قاراعاندا، سوڭعى ونجىلداقتا ەلدە جاسى 100 دەن اسقان ادامداردىڭ سانى ارتىپ بارادى. قازىرگى ۋاقاتتا رەسەيدە جاسى 100 دەن اسقان 15 مىڭ ادام بار. انتون دروزدوۆ الايدا قارتايعان ادامداردىڭ كوبەيۋى ەل بيۋدجەتىنە سالماعىن ءتۇسىرىپ وتىرعانىن مويىندادى. سونىمەن قاتار، رەسەيدە جاسى 80 نەن اسقان 4 ميلليون 613 زەينەتكەر بار، ولاردىڭ 3,6 ميلليونى ايەلدەر ەكەنىن ەسكەرسەك، ەل قازىناسىنان قانشا قارجى كەتىپ جاتقانىن اڭعارۋعا بولادى.

 

بەرىك بەيسەن ۇلى

«ايقىن»