ونەرتاپقىش ەت سۇرلەيتىن قۇرىلعى ويلاپ تاپتى

 بايان- ولگەي. قازاقپارات - ا ق ش- تا تۇراتىن موڭعول ازاماتى ەت سۇرلەيتىن قۇرىلعى ويلاپ تاپتى، دەپ حابارلايدى قازاقپارات.

شەتەلدە ءومىر سۇرەتىن موڭعولداردىڭ وتانىنان تاپسىرىسپەن الدىراتىن زاتتارىنىڭ ۇلكەن بولىگىن قۇرت، سۇرلەنگەن ەت سەكىلدى ءداستۇرلى كوشپەندىلەردىڭ ازىق- تۇلىك ونىمدەرىن قۇرايدى. وسىعان بايلانىستى ا ق ش- تا تۇراتىن موڭعول ازاماتى ەت سۇرلەيتىن قۇرىلعىنى قولدان جاساپ شىققان. قولجەتىمدى ەت سۇرلەيتىن قۇرىلعىنىڭ اۆتورى شىڭعىس عانت بۇل تۋرالى فەيسبۋكتەگى پاراقشاسىندا جاريالادى.

 جازبانى الەۋمەتتىك جەلى پايدالانۋشىلارى ۇناتىپ، ول كوپ بولىسىلگەن.

 «ءسۇر ەتتى سونشالىقتى جاقسى كورسەم دە ا ق ش- تا مۇنداي مۇمكىندىك تۋىنداي بەرمەيتىنى بەلگىلى. سوندىقتان دا ءوز قولىممەن ءسۇر ەت جاسايتىن قۇرىلعى جاسادىم. ارتىق دىبىسسىز، ەلەكتردى دە از تۇتىناتىن قۇرىلعى مەن ءۇشىن تياناقتى شەشىم بولدى. جاڭا قۇرىلعىمدى «Borts Maker» دەپ اتادىم. ءدامى تۋرا ءسۇر ەتتىكىندەي. كوپشىلىك العىس ايتۋدا» - دەپ جازدى ول.

ونەرتاپقىشتىڭ جاساعان ەت سۇرلەيتىن قۇرىلعىسىنا بار- جوعى 13,5 دوللار جۇمسالعان.

 «ەت سۇرلەگىشتى جاساۋ ءۇشىن «جەلدەتكىش - 4 دانا، بىرەۋى - $ 2, قوراپ $3, ىستىك اعاش $0.5, قىسقىش $ 2, جالپى 13,5 دوللار جۇمسالدى، بۇعان قوسا $ 1 ءوزىمنىڭ اداپتەرىمدى قولداندىم. جاساۋعا قولدانعان قۇرالدار بۇرعى مەن پىشاق» - دەپ جازدى ول.