پوليتسيا قازاقستانداعى قارجى پيراميداسىن تەكسەرىپ جاتىر

استانا. قازاقپارات - ق ر ءى ءى م تەرگەۋ دەپارتامەنتى «Buy Time Incorporated LLP» قارجى پيراميداسىنىڭ باسشىلىعىنىڭ ۇستىنەن قوزعالعان قىلمىستىق ىسكە بايلانىستى سوتقا دەيىنگى تەرگەۋ جۇمىستارىن جۇرگىزىپ جاتىر، دەپ حابارلايدى ءى ءى م باسپا ءسوز حاتشىسى.

«تەرگەۋ جۇمىستارى بارىسىندا، اتالعان پيراميدا قازاقستان اۋماعىندا قىسقا مەرزىم ىشىندە حالىققا قوماقتى اقشا ۋادە ەتە وتىرىپ، 2017-جىلدىڭ ناۋرىز-قاراشا ايلارىنىڭ ارالىعىندا جۇمىس ىستەگەن»، - دەلىنگەن حابارلامادا.

قازىرگى ۋاقىتتا قارجى پيراميداسىنىڭ قىزمەتىنە بايلانىستى زارداپ شەككەن كۋاگەرلەر مەن جابىرلەنۋشىلەردى انىقتاۋ جۇمىستارى جۇرگىزىلۋدە.

ايتا كەتەرلىگى، قارجى پيراميداسىنان زارداپ شەككەندەر ىشكى ىستەر مينيسترلىگىنىڭ تەرگەۋ بولىمىنە نەمەسە اۋماقتىق پوليتسيا بولىمدەرىنە جۇگىنە الادى.