گولوۆكين - مارتيروسيان جەكپە- جەگىنىڭ بيلەتىن قانشاعا الۋعا بولادى؟

استانا. قازاقپارات - كاليفورنيادا 5- مامىر كۇنى وتەتىن گەننادي گولوۆكين مەن ۆانەس مارتيروسياننىڭ اراسىنداعى جەكپە-جەكتىڭ بيلەتتەرى قانشا تۇراتىنى بەلگىلى بولدى.

بيلەتتىڭ ەڭ ارزانى - $53 (شامامەن 17 مىڭ تەڭگە)، ال ەڭ قىمباتى - $767 (شامامەن 250 مىڭ تەڭگە). جەكپە-جەك جەرگىلىكتى ۋاقىتپەن كەشكى 20:00 دە باستالادى. ال قازاقستاندىقتار ونى 6- مامىر كۇنى استانا ۋاقىتىمەن ساعات تاڭعى 9:00 دە تاماشالاي الادى.

بۇل جەكپە- ەكتى HBO تەلەارناسى كورسەتەدى، ال قازاقستاندىق تەلەارنالار تۋرالى ازىرگە اقپارات جوق.

ەسكە سالساق، دوپينگ داۋىنا تاپ بولعان ساۋل الۆارەستىڭ ورنىنا گولوۆكينمەن بەسىنشى مامىر كۇنى امەريكالىق بوكسشى ۆانەس مارتيروسيان قولعاپ تۇيىستىرەدى.