ساۋساق ءىزى جوق ادام بار

 استانا. قازاقپارات - ءار ادامعا ءتان بىرەگەي قابىلەت - ساۋساق ءىزى. ساۋساق ىزىنە قاراپ، ادامنىڭ كىم ەكەنىن، قاي جەردە جۇرگەنىن، بولمىسىن جانە جاسىن اڭعارۋعا بولادى.

اسىرەسە، كريمينالوگيا سالاسىندا ساۋساق ءىزىن پايدالانۋ قىلمىستى اشۋدا سەپتىگىن تيگىزەدى. دەگەنمەن، جەر بەتىندە ساۋساق ءىزى مۇلدەم جوق ادامدار بار. بۇنى بيولوگيادا گەنەتيكالىق اۋرۋ ادەرماتوگليفيا (adermatoglyphia) دەپ اتايدى. ويتكەنى، بۇل اۋرۋعا شالدىققان ادامنىڭ دەنەسىندە گەنەتيكالىق اۋىتقۋ ورىن الادى. ساۋساقتا ىزىنە جاۋاپتى د ن ق تىزبەگى ىدىراپ كەتۋىنەن نەمەسە تۇزىلمەۋىنەن وسىنداي مۋتاتسيالىق ءۇردىس جۇرەدى.

 ساۋساق ءىزىنىڭ ءتۇزىلۋى ءۇشىن Smarcad ءنارۋىزى كودتالۋى ءتيىس، دەگەنمەن، مۋتاتسيا اسەرىنەن بۇل ءۇردىس توقتايدى. سونىمەن قاتار، عالىمدار بۇل اۋىتقۋدىڭ تاعى ءبىر ەرەكشەلىگى ساۋساق ءىزى جوق ايماقتان تەر بولىنبەيتىنىن اڭعارعان. ءدال قازىرگى ساتتەر عالىمدار بۇل اۋىتقۋ تابان جانە الاقان ىزدەرىنە دە اسەر ەتۋىن زەرتتەۋ ۇستىندە.

Massaget.kz