قازاقستاننىڭ التى ستارتاپى وڭتۇستىك ازيا نارىعىنا جولداما الدى
ايتا كەتكەن ءجون، قازاقستانداعى التى جوبانى سينگاپۋردىڭ ۆەنچۋرلىق ينۆەستورلاردان تۇراتىن ارنايى قازىلار القاسى تاڭدادى. جالپى، «Smart Zholy» باعدارلاماسىنا يننوۆاتورلاردىڭ 100 گە جۋىق كومانداسى قاتىسۋعا نيەت بىلدىرگەن.
وتكەن جىلى استانا، الماتى، قاراعاندى مەن پاۆلودار قامتىلدى. ال فينالعا جەتكەن 10 كوماندا سينگاپۋردا تاجىريبە جيناپ قايتتى. بيىل باعدارلاما اياسىنداعى شارالار رەسپۋبليكا بويىنشا ءوتتى.
ستارتاپتاردى قۇرۋ جانە دامىتۋ بويىنشا ۇيىمداستىرىلعان ترەنينگتەرگە مىڭنان استام ادام قاتىستى. ال فينالعا جەتكەن 20 كوماندا استانا حابى نەگىزىندە ارنايى مەنتورلىق باعدارلامادان ءوتتى. ولارعا سينگاپۋرلىق ماماندار جەتەكشىلىك ەتتى. 20 كوماندانىڭ ىشىنەن 6 ۇزدىك ستارتاپ ىرىكتەلدى. اتالعان جوبالار Echelon Asia Summit-ىندە ينۆەستورلاردى تاۋىپ، وڭتۇستىك ازيانىڭ نارىعىنا شىعا الادى.
اۆتور: ارمان اسقاروۆ