ەركە ەسماحان: كەيدە سەنىم ارتقان ادامىڭ ءبىر- اق كۇندە بوتەن جانعا اينالادى

  استانا. قازاقپارات - ەركە ەسماحان جەلىدەگى وقىرماندارىنا جان سىرىن اقتاردى. ول ومىردەن العان تاجىريبەسىمەن ءبولىسىپ، ءبىر كەزدەرى جاقىن بولعان ادامنىڭ ءبىر- اق كۇندە بوتەن جانعا اينالاتىنىن اتاپ ءوتتى.

«تۇسىنگەنىم، جامان ادام بولمايدى. شەبەر جاراتۋشىمىز ءار ادامدى وزىنشە جاقسى ەتىپ جاراتقان. تەك كەي جانداردىڭ مىنەزى، ويلاۋ قابىلەتى، قابىلداۋى، تۇيسىگى مەن تۇسىنىگى مۇلدەم باسقاشا بولادى! ەكى ادامنىڭ ويى ءبىر- بىرىمەن ۇيلەسىم تاپپاسا، ارادا جاقىندىق، دوستىق، قارىم- قاتىناس بولۋى مۇمكىن ەمەس. ال ويى ءبىر جەردەن شىققان ادامدار كەرىسىنشە، ءبىرىن ءبىرى العا سۇيرەپ، جاقسىلىعىن ارتتىرىپ، جامانىن جاسىرىپ وتىرادى.

كەيدە ومىرىمىزدەن ماڭىزدى ورىن العان، قۋانىشىڭدى ءبولىسىپ، مۇڭىڭدى شاعىپ، شىنايى سەنگەن، ورتاق جوسپار قۇرعان ادام ءبىر كۇندە بوتەن، الىس ادام بوپ شىعا كەلەدى. ۇمىتا الماۋ، وكىنىش، قيماستىق، ساعىنىش بولادى. الايدا، ءومىر جالعاسىپ جاتىر. كەشە جاقىنىڭ بولعان جان ءومىرىڭنىڭ ءبىر «كەزەڭى» بوپ ارتتا قالادى. جاڭا «كەزەڭگە» جول اشۋ كەرەك. وتكەن ەسىك تولىق جابىلعاندا عانا ءومىر جاڭا ەسىك اشىپ بەرەدى!

ماعان جاڭا شابىت كەلدى، قانات ءبىتتى... شىعارماشىلىعىمدا دا، جەكە ومىرىمدە دە جاپ- جاڭا جاعىمدى جايتتار ورىن الىپ جاتىر. ەرتەڭىمنىڭ بۇگىننەن كۇشتى بولارىنا ءارقاشان سەنىپ كەلەم. سولاي بولىپ تا ءجۇر! سىزدەر دە سەنىڭىزدەر! جاقسى كورەم!» - دەيدى ەركە ەسماحان.

Stan.kz