ەسەپ كوميتەتى بيۋدجەت قارجىسىن يگەرۋدە كەمشىلىكتەر تاپتى
قازىر ونىڭ بارلىعى قالپىنا كەلتىرىلدى. بۇل تۋرالى ەسەپ كوميتەتىنىڭ كەزەكتى وتىرىسىندا ايتىلدى. ماسەلەن، ۇكىمەتكە رەزەرۆتەن الماتى قالاسىنداعى قۇرمانعازى اتىنداعى كونسەرۆاتوريا عيماراتى مەن رەسپۋبليكالىق مەرەيتويلىق ءىس- شارالاردى وتكىزۋگە قاراجات بولۋگە تۋرا كەلگەن. وعان كەتەتىن شىعىن دەر كەزىندە جوسپارلانۋى كەرەك ەدى. ءبىراق ول جاسالماعان. جوسپارلاۋداعى قاتەلىكتەر كوپتەگەن سپورتتىق نىساندار قۇرىلىسىنىڭ سوزىلىپ كەتۋىنە دە اكەپ سوقتىرعان. ولاردىڭ قاتارىندا ون جىلدان استام پايدالانۋعا بەرىلمەي تۇرعان شۋچينسك شاڭعى بازاسى دا بار.
تالعات جاقان، ەسەپ كوميتەتىنىڭ مۇشەسى:
- قۇرىلىستىڭ سمەتالىق قۇنى باستاپقى تەحنيكالىق- ەكونوميكالىق نەگىزدەمەسى بويىنشا 29,2 ميلليارد تەڭگەگە ۇلعايدى. ياعني 4 ەسەگە ءوستى.
ساكەن مۇسايبەكوۆ، ق ر مادەنيەت جانە سپورت ءمينيسترىنىڭ ورىنباسارى:
- كىنا تەك مەردىگەردىڭ اۋىسۋىندا ەمەس. وزدەرىڭىز بىلەسىزدەر، 2011 -جىلى بىزدە قىسقى ازيا ويىندارى ءوتتى. سوعان بايلانىستى كوپتەگەن نىساندار سالىندى. سوندىقتان بۇل بازانىڭ قۇرىلىسىن قارجىلاندىرۋ كەيىنگە شەگەرىلدى. ءبىراق كونسەرۆاتسياعا ۇشىراعان جوق. ەندى 2021 -جىلعا قاراي قۇرىلىس جۇمىسىن اياقتايمىز دەگەن جوسپارىمىز بار.
سونىمەن قاتار الماتى قالاسىنداعى مۇز الاڭىن جوبالاۋدا دا قاتەلىكتەر بولعان. قۇرىلىس بارىسىندا جاسىل جەلەكتى سۋارۋعا ارنالعان ەكى ۇڭعىما مەن رەزەرۆۋار ورناتىلعان. ءبىراق ونان سۋ شىعارا الماعان. سونىڭ كەسىرىنەن اعاشتار قۋراپ قالعان. الماتى قالاسى اكىمى ورىنباسارىنىڭ ايتۋىنشا، قازىرگى ۋاقىتتا بۇعان قاتىستى قاتاڭ شارالار قابىلداندى. سۋارۋدىڭ باسقا دا جولدارى قاراستىرىلىپ، كوگالداندىرۋ جۇمىستارى ءوز دەڭگەيىندە ءجۇرىپ جاتقان كورىنەدى.
www.24.kz