ەلباسى اتىنداعى ۇلتتىق قورعانىس ۋنيۆەرسيتەتى حالىقارالىق سوكرات جۇلدەسىنە يە بولدى

None
None
استانا. قازاقپارات -  لوندوندا حالىقارالىق سوكرات جۇلدەسىن رەسمي تۇردە تابىستاۋ ءراسىمى ءوتتى. وكسفورد اكادەميالىق كەڭەسى قازاقستان رەسپۋبليكاسى تۇڭعىش پرەزيدەنتى -  ەلباسى اتىنداعى ۇلتتىق قورعانىس ۋنيۆەرسيتەتىن الەمنىڭ ۇزدىك وقۋ ورىندارىنىڭ ءبىرى دەپ تانىدى.

 حالىقارالىق سوكرات كوميتەتى ىسكەرلىك، عىلىم مەن شىعارماشىل قاۋىمداستىقتىڭ ۇزدىك وكىلدەرىن بەدەلدى ەۋروپالىق جۇلدەلەرمەن جىل سايىن ماراپاتتايدى. نەگىزگى شارا  ۇلى بريتانيا ديرەكتورلارى ينستيتۋتىنىڭ باستى كورولدىك رەزيدەنتسياسىندا ءوتتى.

ۇزدىك كومپانيالار مەن عىلىمي- اعارتۋشىلىق مەكەمەلەر ەۋروپا، ازيا، افريكا جانە امەريكا ەلدەرىنەن كەلىپ قاتىستى. شاراعا شاقىرتۋ العاندار قاتارىندا وكسفوردتىق اكادەميالىق كەڭەسىنىڭ ارىپتەستەرى، ياعني الەمنىڭ وزىق وقۋ ورىندارىنىڭ رەكتورلارى جانە بيزنەس- قاۋىمداستىقتىڭ بەدەلدى وكىلدەرى بار. ماراپاتتاۋ شارالارى اياسىندا پىكىرتالاستار مەن تانىستىرىلىمدار ۇيىمداستىرىلىپ، ولارعا قازاقستاندىقتار بەلسەنە قاتىستى.

دجون نەتينگ، ۇيىمداستىرۋشى:

 -  ءبىز مۇنداي جيىندارعا قازاقستاندىق بيزنەس جانە اكادەميالىق قاۋىمداستىق مۇشەلەرىن شاقىرۋعا ءاردايىم قۋانىشتىمىز. بۇگىنگى كەش تە ولارسىز وتپەدى. ءبىز ءۇشىن قازاقستاندىق وكىلدەرمەن كەزدەسۋ -  ۇلكەن مارتەبە.

 ەلىمىزدىڭ اتىنان شاراعا قاتىسۋ قۇرمەتىنە قازاقستان رەسپۋبليكاسى تۇڭعىش پرەزيدەنتى -  ەلباسى اتىنداعى ۇلتتىق قورعانىس ۋنيۆەرسيتەتى يە بولدى. ءبىلىم مەكەمەسى اسكەري ءبىلىم بەرۋ جۇيەسىنىڭ كوشباسشىسى سانالادى. «ءبىلىم بەرۋ سالاسى» اتالىمى بويىنشا ولارعا «ۇزدىك ۋنيۆەرسيتەت» اتاعى مەن جۇلدەسى بەرىلىپ، ال ونىڭ باسشىسى، گەنەرال- مايور اسحات رىسپايەۆ «جىلدىڭ ۇزدىك مەنەدجەرى» توسبەلگىسىنە يە بولدى.

اسحات رىسپايەۆ، ق ر تۇڭعىش پرەزيدەنتى -  ەلباسى اتىنداعى ۇلتتىق قورعانىس ۋنيۆەرسيتەتىنىڭ باسشىسى:

 -  بۇل جۇلدە ءبىزدىڭ ۇجىمعا دا، ماعان دا ۇلكەن جاۋاپكەرشىلىك جۇكتەپ وتىر. ءبىز ءبىلىم بەرۋ سالاسىندا جانە شەتەلدىك ارىپتەستىكتى دامىتۋ بويىنشا ودان ءارى ناتيجەلى جۇمىس ىستەيتىن بولامىز.

ۇمىتكەرلەردى تاڭداۋ بارىسىندا حالىقارالىق نوميناتسيالىق كوميتەت ءبىلىم بەرۋدىڭ قولجەتىمدىلىگىن، ءبىلىم بەرۋ قىزمەتىنىڭ ساپاسى سونداي- اق پروفەسسورلىق- وقىتۋشىلىق قۇرامنىڭ كاسىبيلىگى، تەحنيكالىق جاساقتالۋ دەڭگەيى، سونداي- اق حالىقارالىق ءبىلىم بەرۋ باعدارلامالارىنا قاتىسۋى سىندى كورسەتكىشتەر بويىنشا باعالاعان. سوكرات جۇلدەسىنەن جىگەرلەنگەن قازاقستاندىقتاردىڭ كۇش- قۋاتى ارتىپ، ەندى ولار جاڭا بەلەستەردى باعىندىرۋعا ىنتالانىپ وتىر.

www.24.kz

سوڭعى جاڭالىقتار