كۋبانىڭ جاڭا باسشىسى ميگەل دياس- كانەل بولدى

استانا. قازاقپارات - كۋبا مەملەكەتتىك كەڭەسىنىڭ ءتوراعاسى بولىپ ميگەل دياس- كانەل سايلاندى، دەپ حابارلايدى ت ا س س.

دياس- كانەلدىڭ كانديداتۋراسىنا 604 دەپۋتاتتىڭ 603- ءى داۋىس بەرگەن. كۋبا كونستيتۋتسياسىنا سايكەس، مەملەكەتتىك كەڭەستىڭ ءتوراعاسى مەملەكەت جانە ۇكىمەت باسشىسى بولىپ سانالادى جانە بەس جىلدىق مەرزىمگە سايلانادى.

جوعارعى مەملەكەتتىك لاۋازىمعا جايعاسقان 57 جاستاعى دياس- كانەل، 2008 -جىلدان بەرى وسى لاۋازىمدا وتىرعان 86 جاستاعى راۋل كاسترونىڭ ورنىن باستى. بۇل قىزمەتكە باسقا كانديداتتار قارالمادى.

2013 -جىلدان باستاپ دياس- كانەل مەملەكەتتىك كەڭەس ءتوراعاسىنىڭ ءبىرىنشى ورىنباسارى جانە كۋبا مينيسترلەر كەڭەسىنىڭ ءتوراعاسى، ياعني كۋبانىڭ بيلىك يەرارحياسىنداعى ەكىنشى ادام بولدى.

سونىمەن قاتار، راۋل كاسترو، كەم دەگەندە 2021 -جىلعا دەيىن ەلدەگى جالعىز رەسمي ساياسي ۇيىم - كۋبا كوممۋنيستىك پارتياسى باسشىلىعىندا قالا بەرەدى جانە سول ارقىلى شەشىم قابىلداۋ ىستەرىنە ىقپالىن جۇرگىزە الادى.

مەملەكەت باسشىسىنىڭ قىزمەتىنەن كەتكەن راۋل كاسترو گاۆانادان 1000 شاقىرىم قاشىقتىقتاعى ارالدىڭ شىعىسىندا ورنالاسقان ەلدەگى ەكىنشى قالا سانتياگو- دە- كۋبادا تۇراتىن بولادى دەگەن پىكىرلەر بار.

فوتو: ت ا س س