الماتى وبلىسىندا گوللاند تەحنولوگياسىمەن جىلىجايلار قۇراستىرىلۋدا
ونىڭ اتاپ وتۋىنشە، بۇل سالاداعى نارىق جان- جاقتى زەرتتەلگەن جانە ءۇلدىر جىلىجايدىڭ كەلمەسكە كەتكەندىگىنە كوز جەتكىزىلگەن. قازىرگى ۋاقىتتا فەرمەرلەرگە تيىمدىلىگى جوعارى جىلىجايلار قاجەت.
«ءبىز زاۋىت سالۋعا جانە تەحنولوگيانى گوللاندىق كومپانيادان ساتىپ الۋعا شەشىم قابىلدادىق. زاۋىتتى جالپى سوماسى 2 ميلليارد تەڭگە بولاتىن جەكە ينۆەستيتسيا ەسەبىنەن سالدىق. وتكەن جىلى زاۋىت ىسكە قوسىلدى. ءبىز نەگىزىنەن جىلجاي قاڭقاسىن ازىرلەيمىز. ال قالعان شىنى، اۋا تەمپەراتۋراسىن رەتتەۋگە ارنالعان اپپاراتتار مەن جارىقتاندىرعىشتاردى گوللانديا، يتاليا جانە يزرايلدەن اكەلەمىز. جىلىجاي قاڭقاسىن جەرگىلىكتى اليۋمينيي مەن مەتاللدان جاسايمىز. جەرگىلىكتى شيكىزات پەن جۇمىس كۇشىنىڭ ارقاسىندا جىلىجاي قۇرىلىسى ءبىزدىڭ فەرمەرلەر ءۇشىن ءبىرشاما ارزانعا ءتۇسىپ وتىر. فەرمەرلەر جالپى اۋماعى 3 گەكتاردى قۇرايتىن قىزاناق پەن قيار وسىرۋگە ارنالعان شىنى جىلىجايعا تاپسىرىس بەردى. قاڭقاسى دايىن، مونتاجداۋ جۇمىستارىن جۇرگىزىپ جاتىرمىز. كۇزگە قاراي جىلىجاي قۇرىلىسى تولىق اياقتالادى»، - دەدى باۋىرجان بايمۇحانبەتوۆ.
ونىڭ ايتۋىنشا، كاسىپكەرلەردە ءبىر جىل بويى جەرگىلىكتى ءونىمنىڭ جوعارى ونىمدىلىگىنە كەپىلدىك بەرىلەدى. سونىمەن قاتار مامانداردىڭ كەڭەسى دە ۇيىمداستىرىلادى.
«بۇكىل الەمدە گوللانديا تەحنولوگياسىنىڭ بۇل سالادا ىلگەرى ەكەندىگىن بىلەدى. ءۇلدىر ارقىلى ءونىم الىپ وتىرعان ءبىزدىڭ فەرمەرلەرگە قاراعان ولار ءۇش ەسە كوپ ءونىم جينايدى. سوعان سايكەس ءونىمنىڭ وزىندىك قۇنى دا ارزانعا تۇسەدى. ارينە، شىنى جىلىجاي قىمباتقا تۇسەدى. ءبىراق، پايدالانۋ بارىسىندا ول ءتيىمدى بولادى. ءۇلدىردى 2-3 جىلدا اۋىستىرىپ تۇرۋ قاجەت. ال شىنى 30 جىلعا دەيىن قىزمەت ەتەدى» ، - دەدى ول.
مارلان جيەمباي