ەڭ قورقىنىشتى سوعىس باستالىپ كەتكەن

None
None
استانا. قازاقپارات - قازىر الەمدەگى گەوساياسي جاعدايدىڭ ۋشىعۋىنا بايلانىستى ادامزاتتى ءۇشىنشى دۇنيەجۇزىلىك سوعىس تاقىرىبى تولعاندىرۋدا.

ءتىپتى، بۇل تاقىرىپ، بىلايعى الەممەن شارۋاسى جوق، ايرانىن ۇرتتاپ، قويىن قۇرتتاپ جۇرگەن قوڭىرتوبەل تىرشىلىك سوڭىنداعى ادامداردى دا، بىلەتىنى تەك ويىن-ساۋىق بوزىمبايلاردى دا مازالايدى دەسەك، ارتىق ايتا قويماسپىز.

دەسە دە ولاردىڭ بارىنە ءتان ءبىر نارسە: ءۇشىنشى دۇنيەجۇزىلىك سوعىستى تەك يادرولىق سوعىسپەن بايلانىستىرادى جانە ادامزات ورتەڭنەن جاڭا ءومىردى باستايدى دەپ ويلايدى دەسە، تاعى قاتەلەسە قويماسپىز. الايدا، سوعىس الدەقاشان باستالىپ كەتكەن ەدى، وكىنىشكە قاراي. بۇل سوعىستىڭ اتى - ەكونوميكالىق سوعىس.

ماسەلەن، ميليتاريزاتسيالانعان ەكونوميكا جانە جالعان پاراديگما. باتىس پەن شىعىستىڭ اراسىنداعى جانجال تۇتانعالى قاي زامان. ەكونوميكادا. ءسوز ورايى كەلگەندە ايتا كەتۋ كەرەك، قاي سوعىستا بولماسىن، قانداي سوعىس بولماسىن، مەيلى ول يادرولىق، مەيلى ول لويالدى، مەيلى ول ەكونوميكالىق، ت. ب. سوعىستا ەڭ الدىمەن قارجى قازانىنىڭ قاقپاعىن ۇستاعاندار ۇتادى. سوعىستىڭ كەز كەلگەن ءتۇرى ولارعا كاپيتالدى قولىندا شوعىرلانۋىنا مۇمكىندىك بەرەدى. سوعىسقا الدىمەن سولار مۇددەلى.

قارجىنىڭ قاقپاعىن ۇستاعاندار دەپ، تەك حالىقارالىق ءىرى بانكتەردى نەمەسە وليگارحتاردى ايتپايمىز، ولاردىڭ اراسىندا اۆتوريتارلى باسشىلار دا، ديكتاتورلار دا، ساياسي ەليتا وكىلدەر دە ۇشىراسادى. ماسەلەن، سوڭعى ۋاقىتتا الەمنىڭ ەكى الىپ دەرجاۆاسى اراسىنداعى ساۋدا سوعىسىن الايىق: ەكى ەلدىڭ دە ەكونوميكالىق تۇرعىدان قارسى تۇرۋعا تەتىكتەرى بار. ءبىراق، ەكەۋى دە ءبىر-بىرىنە تاۋەلدى. بۇل سوعىستا ەكى تاراپ تا ۇتىلماسا، ۇتپايدى.

دوللارعا بالاما جوق دەپ جۇرگەندە، كريپتوۆاليۋتا جانە بلوكچەين تەحنولوگياسى پايدا بولدى. ازىرگە ادامزاتتىڭ ول تۋرالى بىلەرى شامالى. ەلەكتروندى قارجى دوللاردىڭ ورنىن باسۋى مۇمكىن. بۇگىن بولماسا، ەرتەڭ. ەرتەڭ بولماسا، ارعى كۇنى. ءبىراق، تۇبىندە دوللاردىڭ كۇنى باتادى. مۇنى ا ق ش بيلىگى بىلمەي وتىرعان جوق، تەك جانتالاس بار. بۇل جانتالاس (كوبىسى ادامزاتتىڭ نازارىن باسقا جاققا بۇرۋ ءۇشىن قولدان ۇيىمداستىرىلعان قويىلىم) گەوساياي جاعدايدى ۋشىقتىرۋعا يتەرلەمەپ وتىرعانى دا جاسىرىن ەمەس. قاتتى ءبىر داۋىل تۇرسا، بەينەلەپ ايتقاندا نەمەسە الاپات داعدارىس ورىن السا، كريپتوۆاليۋتا مەن بلوكچەين تەحنولوگياسىنا جاپپاي جول اشىلۋى مۇمكىن.

تىعىنى اعىتىلعان توعان سۋى سەكىلدى. ول ول ما، داعدارىس باستالىپ كەتكەن. ول ساۋدا سوعىسى تۇرىندە كورىنىس بەرۋدە. ونىڭ ارتى تعىرىققا ۇلاسىپ، تىعىن اعىتىلۋى دا مۇمكىن. ءبارى مۇمكىن.

قىتايدى الايىقشى، دوللارعا تاۋەلدىلىكتەن ارىلۋ ءۇشىن 2005 -جىلدان بەرى تالپىنىس جاساپ كەلەدى. الدىمەن وزدەرىنىڭ ۇلتتىق ۆاليۋتاسى - يۋانمەن قۇندى قاعازدار شىعارۋدان باستادى. ول كەزدەگى ولاردىڭ بۇل تالپىنىسىنا كۇلگەندەر كوپ ەدى. قازىر كۇلمەيتىن بولدى. ويتكەنى، قىتاي ءوزىنىڭ وتىمدىلىگىن (ليكۆيدنوست) سوڭعى 13 جىل ىشىندە ءتۇرلى تەتىكتەر مەن قۇرالداردى، سونىڭ ىشىندە يۋاندى دا پايدالانا وتىرىپ، تريلليون دوللارعا جەتكىزدى. قازىرگى ۋاقىتتا مۇناي فيۋچەرسى الەمنىڭ بارلىق تۇكپىرىندە يۋانمەن ساۋدالانادى. ويتكەنى، قىتاي اسا ءىرى ەكسپورتتاۋشى ءارى يمپورتتاۋشى ەلگە اينالعان. مۇنىڭ ارتى «ساۋدا سوعىسىنا» ۇلاسىپ، ا ق ش- تىڭ جانتالاسا تال قارماۋىمەن اياقتالعانىنان بايقايمىز. قىتاي وسىلايشا دوللارمەن كۇرەستەگى العاشقى جەڭىسىنىڭ جەمىسىن كورە باستادى.

islam.kz

سوڭعى جاڭالىقتار