+7 (701) 759 90 19 Лента
18 °С : استانا
18 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

جۇلدىزدار تويدا ونەر كورسەتكەنى ءۇشىن قانشا اقشا سۇرايدى

17 ءساۋىر 17:03 322
ءبولىسۋ:
جۇلدىزدار تويدا ونەر كورسەتكەنى ءۇشىن قانشا اقشا سۇرايدى

 استانا. قازاقپارات - توي - حالىقتىڭ قازىناسى. قازاق جيعان- تەرگەنىن قاشان دا تويعا شاشقان. سوندىقتان ءارتۇرلى سەبەپپەن ءجيى توي جاسايتىن ەل حالقى قانشا اقشا سۇراسا دا، وتاندىق ارتىستەردى قۋانىشتارىنا شاقىرادى.

 ال ەلىمىزدەگى تانىمال ارتىستەردىڭ گونورارى قانشا؟

7-ارنانىڭ «ءوز ويىم» باعدارلاماسىندا اتالعان تاقىرىپ تالقىعا سالىنىپ، توي ۇيىمداستىرۋشى ماماندار ەل كوكەيىندەگى سۇراققا جاۋاپ بەردى، دەپ جازادى Stan.kz.

سونىمەن، قازىرگى ۋاقىتتا جۇلدىزى جارقىراپ تۇرعان ءانشى ەركە ەسماحان نەبارى 40 مينۋت ونەر كورسەتكەنى ءۇشىن 2 ميلليون تەڭگە سۇرايدى ەكەن.

ال ەركەنىڭ ەكس- دۋەتى تورەعالي قانشا ەلدىڭ كوڭىلىن قالدىرسا دا، سۇرانىسقا يە انشىلەردىڭ ءبىرى. ونىڭ گونورارى - 7-8 مىڭ دوللاردى قۇرايدى.

ال ەلىمىزدەگى ەڭ تانىمال توپتاردىڭ ءبىرى «مۋزارتتى» قۋانىشىڭىزعا شاقىرعىڭىز كەلسە، 10 مىڭ دوللار اقشا دايىنداپ قويۋعا ءتيىسسىز.

ەلىمىزدەگى ەڭ سىمباتتى جۇرگىزۋشى تاۋەكەل ءمۇسىلىمنىڭ توي باسقارىپ بەرگەنىن قالاساڭىز، قالتاڭىزدى 3-5 مىڭ دوللارعا جۇقارتۋعا تۋرا كەلەدى.

اكتەر، تەلەجۇرگىزۋشى ازامات ساتىبالدىنىڭ اسابالىق قىزمەتى ارزان ەمەس. شامامە 1-1,5 ميلليون تەڭگە.

اكتەر ءادىل احمەتوۆ تويدى 2 مىڭ دوللارعا باسقارادى ەكەن.

سول سياقتى مايا ۆەرونسكايا، ولگا سپيرينا سىندى بەلگىلى تەلەجۇرگىزۋشىلەردىڭ قىزمەتى 600 مىڭ تەڭگە تۇرادى.

ال باعدارلاما جۇرگىزۋشىسى ءلايلا سۇلتان قىزى توي باسقارۋ ءۇشىن 10 مىڭ دوللار سۇرايدى ەكەن. ول تاپسىرىس بەرۋشىلەر باس تارتسىن دەگەن نيەتپەن وسىنداي قادامعا باراتىنىن ايتتى. سەبەبى توي جۇرگىزۋ قولىمنان كەلمەيدى، دەيدى ول.


باستى سوزدەر: قوعام,
ءبولىسۋ:
ونلاين قىزمەتكەرلەر
مذراعات