باقىتجان ساعىنتايەۆ: ەكونوميكانىڭ ءوسىمى - بارشامىزدىڭ ورتاق ءىسىمىز
«دەرەكتەردەن كورىپ وتىرعاندارىڭىزداي، ءبىرىنشى توقساننىڭ قورىتىندىسى بويىنشا ءوسىم 4,1 پايىزدى قۇراپ وتىر. ەلباسى ۇكىمەتكە ەكونوميكا ءوسىمىن قامتاماسىز ەتۋ بويىنشا جوعارى ناتيجەلەرگە قول جەتكىزۋ مىندەتتەرىن قويىپ وتىر. سول سەبەپتى بۇل تاپسىرمالاردى ورىنداۋدا جۇيەلى شارالاردى قابىلداۋىمىزدى قاجەت ەتەدى. بۇل كۇردەلى مىندەت. دەگەنمەن، ءبىز اي سايىن بارلىق وڭىرلەر بويىنشا ەكونوميكانىڭ ءار سالاسى بويىنشا ءتيىستى ءونىمنىڭ ءوسۋىن قامتاماسىز ەتۋىمىز قاجەت. بۇل - بارشامىزدىڭ ورتاق ءىسىمىز»، - دەدى ساعىنتايەۆ بۇگىنگى ۇكىمەت وتىرىسىندا.
ايتا كەتسەك، ۇكىمەت وتىرىسىندا ق ر ۇلتتىق ەكونوميكا ءمينيسترى تيمۋر سۇلەيمەنوۆ 2018 -جىلدىڭ 1- توقسانى بويىنشا ەلدىڭ الەۋمەتتىك- ەكونوميكالىق دامۋ كورسەتكىشتەرى جايلى بايانداما جاساعان بولاتىن. مينيستر بيىلعى جىلدىڭ 1- توقسانىندا ەل ەكونوميكاسىندا جاعىمدى ۇردىستەر ساقتالعانىن اتاپ ءوتتى.
«ەسەپتىك كەزەڭدە ج ءى ءو ءوسۋى 4,1 پايىزدى قۇرادى. 2017 -جىلدىڭ سايكەس كەزەڭىندە ج ءى ءو 3,6 پايىز بولعان ەدى. مۇنداي سەرپىن ونەركاسىپتىڭ، اۋىل شارۋاشىلىعىنىڭ، كورسەتىلەتىن قىزمەتتەر سالاسىنىڭ وسۋىمەن بايلانىستى. سونداي-اق، جالپى ىشكى ءونىمنىڭ ۇلعايۋىنا ينۆەستيتسيالاردىڭ جوعارعى ءوسىمى مەن تومەن ينفلياتسيالىق پروتسەستەر سەپتىگىن تيگىزۋدە. ينفلياتسيا جىل باسىنان بەرى 1,8 پايىزدى قۇرادى. بۇل 2017 -جىلدىڭ سايكەس كەزەڭى بويىنشا 0,5 پايىزعا تومەن. جىلدىق ماندەگى ينفلياتسيا 6,6 پايىزدى قۇرادى»، - دەدى ول.