قازاقستاندىقتار شياڭگاڭدا سىبايلاس جەمقورلىققا قارسى دايىندىقتان وتەتىن بولادى

None
None
بەيجىڭ- گونكونگ. قازاقپارات - 2018 -جىلدىڭ 16-17 -ساۋىرىندە قىتايداعى شياڭگاڭ ارنايى اكىمشىلىك اۋدانىندا (س ا ا ا) ءتوراعا ورىنباسارى ايگۇل شايموۆا باستاعان ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىنىڭ دەلەگاتسياسى باردى، دەپ حابارلايدى قىتايداعى «قازاقپارات» ءتىلشىسى

ق ر گونكونگتاعى(شياڭگاڭداعى - رەد.) باس كونسۋلدىعىنىڭ كومەگى ارقىلى ۇيىمداستىرىلعان ساپاردىڭ نەگىزگى ماقساتى - سىبايلاس جەمقورلىققا قارسى ءىس- قيمىل بويىنشا س ا ا ا- نىڭ بىرەگەي تاجىريبەسىن زەردەلەۋ، قۇقىق قورعاۋ جانە حالىق اراسىندا ءبىلىم بەرۋ مەن الدىن الۋ پراكتيكاسىندا قولدانىلاتىن گونكونگتاعى سىبايلاس جەمقورلىققا قارسى تاۋەلسىز كوميسسياسىنىڭ (س ج ق ت) قىزمەتىمەن تانىسۋ بولدى.

ءىسساپار بارىسىندا قازاقستاندىق دەلەگاتسيا س ج ق ت كوميسسارى سايمون پە يۋن-لۋمەن جانە نەگىزگى دەپارتامەنتتەردىڭ جەتەكشىلەرىمەن سونداي-اق، كوميسسياداعى جەدەل ساراپتامالىق وقۋ بولىمشەلەرىنىڭ وكىلدەرىمەن كەزدەستى.

گونكونگ تاراپى مەملەكەتتىك اپپاراتتىڭ اشىقتىعىن ارتتىرۋ، مەملەكەتتىك قىزمەتتى جەتىلدىرۋ جانە سىبايلاس جەمقورلىققا قارسى ءىس- قيمىل جونىندەگى قازاقستاندا قابىلدانعان شارالار تۋرالى حاباردار بولدى.



ءوز كەزەگىندە، گونكونگ قۇقىق قورعاۋ ورگاندارى مەملەكەتتىك اپپاراتتارداعى سىبايلاس جەمقورلىقتى ازايتۋعا قالاي قول جەتكىزگەنىن، كوپتەگەن جىلدار بويى جەمقورلىققا قارسى حالىقارالىق رەيتينگتەردىڭ جوعارى دەڭگەيىن ساقتاپ قالۋعا مۇمكىندىك بەرەتىن تاۋەلسىز كوميسسيانىڭ دامۋىنىڭ نەگىزگى باسىمدىقتارىن ايتىپ بەردى. (2017 -جىلى «Transparency International» جەمقورلىقتى قابىلداۋ يندەكسى بويىنشا گونكونگ 77 ۇپايمەن 13- ورىندى يەلەنگەن بولاتىن).



قازاقستان مەن گونكونگتىق تاجىريبەلەردى مىسالعا كەلتىرە وتىرىپ جەمقورلىققا قارسى قىزمەتتىڭ وكىلدەرى سىبايلاس جەمقورلىقپەن كۇرەسۋدە تاراپتار قولداناتىن زاڭنامالىق، جەدەل- ىزدەۋ، الدىن الۋ جانە ىنتالاندىرۋ شارالارى تۋرالى پىكىر الماستى.

كەلىسسوزدەر قورىتىندىسىنا سايكەس، گونكونگتاعى جەمقورلىققا قارسى ءىس-قيمىل جانە حالىقارالىق ءبىلىم بەرۋ ورتالىعى كەشەنىندە قازاقستان رەسپۋبليكاسىنىڭ قۇقىق قورعاۋ ورگاندارىنىڭ قىزمەتكەرلەرى ءۇشىن ۆەدومستۆوارالىق نەگىزدە وقىتۋ كۋرستارى مەن ترەنينگتەر وتكىزۋ تۋرالى كەلىسىمگە قول جەتكىزىلدى.

 

سوڭعى جاڭالىقتار