+7 (701) 759 90 19 Лента
18 °С : استانا
18 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

قازاقستان مەن كورەيا سىرتقى ىستەر مينيسترلەرى قانداي ماسەلەلەردى تالقىلادى

17 ءساۋىر 13:54 300
ءبولىسۋ:
قازاقستان مەن كورەيا سىرتقى ىستەر مينيسترلەرى قانداي ماسەلەلەردى تالقىلادى

استانا. قازاقپارات - استانا مەن سەۋل اراسىندا وزەكتى حالىقارالىق ماسەلەلەرگە قاتىستى ۇستانىمدارى ۇقساس

بۇل تۋرالى بۇگىن كورەيا رەسپۋبليكاسىنىڭ سىرتقى ىستەر ءمينيسترى كان گەن حۆامەن كەزدەسۋدەن كەيىنگى بىرلەسكەن مالىمدەمە جاساۋ بارىسىندا ق ر سىرتقى ىستەر ءمينيسترى قايرات ءابدىراحمانوۆ ايتتى، دەپ حابارلايدى قازاقپارات.

«كەزدەسۋ بارىسىندا ءبىز ەكىجاقتى ىنتىماقتاستىقتىڭ وزەكتى ماسەلەلەرى مەن حالىقارالىق كۇن ءتارتىبىنىڭ، ونىڭ ىشىندە كورەي تۇبەگىندەگى احۋالدى، سونداي-اق ساياسي- ەكونوميكالىق، الەۋمەتتىك جانە باسقا دا ءوزارا قارىم-قاتىناستاردى دامىتۋ پەرسپەكتيۆالارى تۋرالى اڭگىمەلەستىك. قازاقستان رەسپۋبليكاسى شىعىس ازياداعى نەگىزگى ستراتەگيالىق ارىپتەستەردىڭ ءبىرى بولىپ تابىلاتىن كورەيا رەسپۋبليكاسىمەن ىنتىماقتاستىقتى جان-جاقتى دامىتۋعا ەرەكشە ءمان بەرەدى»، - دەپ اتاپ ءوتتى مينيستر.


قازاقستان مەن كورەيا سىرتقى ىستەر مينيسترلەرى قانداي ماسەلەلەردى تالقىلادى 

وسى رەتتە ول 2016 -جىلدىڭ قاراشا ايىندا پرەزيدەنت نۇرسۇلتان نازاربايەۆتىڭ سەۋلگە جاساعان مەملەكەتتىك ساپارى ەكى ەلدىڭ اراسىندعى ىنتىماقتاستىقتىڭ جاڭا بەتتەرىن اشقانىن باسا ايتتى.

«قازىرگى تاڭدا استانا مەن سەۋل اراسىندا وزەكتى حالىقارالىق ماسەلەلەرگە قاتىستى ۇستانىمدارىمىزدىڭ ۇقساستىعى بايقالىپ وتىر. ونى ەرەكشە اتاپ وتكىم كەلەدى. حالىقارالىق ۇيىمدار مەن كوپجاقتى فورۋمدار اياسىندا ءوزارا جاعىمدى ءىس-قيمىلدار ءوسىپ كەلەدى. بۇگىنگى كەلىسسوزدەر ورتاق ماقساتتاردىڭ بار ەكەندىگىن تاعى دا ءبىر مارتە دالەلدەدى جانە ەلدەرىمىزدىڭ كوپتەگەن سالالارداعى ىنتىماقتاستىعىن تەرەڭدەتۋگە ءوزارا قىزىعۋشىلىقتى تاعى دا راستادى»، - دەدى قايرات ءابدىراحمانوۆ.

 
قازاقستان مەن كورەيا سىرتقى ىستەر مينيسترلەرى قانداي ماسەلەلەردى تالقىلادى

سونىمەن قاتار مينيستر قازاقستان كورەيا رەسپۋبليكاسىمەن دوستىق پەن ءوزارا قارىم-قاتىناس رۋحىنا نەگىزدەلگەن وڭ جانە بەرىك قارىم- قاتىناستاردى دامىتۋدى جالعاستىراتىندىعىن ايرىقشا اتادى.

«وسى جان-جاقتى دامۋدى ءبىزدىڭ حالىقتاردىمىزدىڭ يگىلىگى ءۇشىن ساقتاپ قالۋعا بارلىق كۇش- جىگەردى جۇمسايتىن بولامىز»، - دەدى ول.


قازاقستان مەن كورەيا سىرتقى ىستەر مينيسترلەرى قانداي ماسەلەلەردى تالقىلادى

ەكىجاقتى كەزدەسۋ بارىسىندا ساۋدا- ەكونوميكالىق ءوزارا ءىس-قيمىل ماسەلەلەرى قارالىپ، وتكەن جىلى ەكى ەلدىڭ اراسىنداعى تاۋار اينالىمى كورسەتكىشتەرىنىڭ قالپىنا كەلگەندىگى قاناعاتتانۋشىلىقپەن اتالىپ ءوتىلدى.

«ەكىجاقتى ينۆەستيتسيالىق- ەكونوميكالىق باعىتتاعى وڭ ترەندتەر دە اتالدى. ونىڭ ىشىندە ۇلكەن الماتى اينالما اۆتوكولىك جولى قۇرىلىسى جوباسىن قوسا العاندا كولىك-لوگيستيكالىق سالا دا بار. مۇنان بولەك، ءبىز اقپاراتتىق-كوممۋنيكاتسيالىق تەحنولوگيالار، سيفرلاندىرۋ جانە ءتورتىنشى ونەركاسىپتىك ريەۆوليۋتسيانىڭ وزگە دە سالالارىنداعى ءوزارا ءىس-قيمىلدى دامىتۋ بويىنشا ەكى ەلدىڭ ۆەدومستۆولارى مەن ءتۇرلى ينستيتۋتتارى اراسىنداعى ىنتىماقتاستىقتى جانداندىرۋعا ۋاعدالاستىق»، - دەدى قايرات ءابدىراحمانوۆ.


ءبولىسۋ:
ونلاين قىزمەتكەرلەر
مذراعات