+7 (701) 759 90 19 Лента
18 °С : استانا
18 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

قازاقستاننىڭ قۇرىلىس قارقىنى ازايعان وڭىرلەرى اتالدى

17 ءساۋىر 11:55 335
ءبولىسۋ:
قازاقستاننىڭ قۇرىلىس قارقىنى ازايعان وڭىرلەرى اتالدى

استانا. قازاقپارات - ق ر ۇلتتىق ەكونوميكا ءمينيسترى تيمۋر سۇلەيمەنوۆ ۇكىمەت وتىرىسىندا ەلدىڭ 2018 -جىلدىڭ 1 -توقسانىنداعى الەۋمەتتىك- ەكونوميكالىق كورسەتكىشتەرىنىڭ قورىتىندىسى تۋرالى ايتىپ بەردى، دەپ حابارلايدى قازاقپارات ءتىلشىسى

«وڭىرلىك بولىنىستە ەكونوميكا سالالارىندا بىردەي ەمەس قارقىن بايقالادى. ونەركاسىپتە 3 وڭىرلەردەن باسقا، بارلىق وڭىرلەر ءوسۋدى كورسەتىپ وتىر. رەسپۋبليكالىق ماننەن تومەن ءوسىم 7 وڭىردە بايقالدى. اۋىل شارۋاشىلىعىندا بارلىق وڭىرلەر وسىمگە قول جەتكىزگەنىمەن، رەسپۋبليكالىق كورسەتكىشتەن تومەن قارقىن 7 وبلىستا تىركەلدى»، - دەيدى مينيستر.

تيمۋر سۇلەيمەنوۆتىڭ ايتۋىنشا، قۇرىلىس بويىنشا تومەندەۋ استانا قالاسىندا، پاۆلودار، اتىراۋ، باتىس قازاقستان وبلىستارىندا بايقالعان.

«بۇل تۇرعىن ءۇي قۇرىلىسى جانە ونەركاسىپتىك نىساندار، ماگيسترالدىق گاز جانە قۇبىرلار قۇرىلىسى بويىنشا جۇمىستاردىڭ تومەندەۋىنە بايلانىستى. تۇرعىن ۇيلەردى پايدالانۋعا بەرۋ %8,1 تومەندەدى. ەڭ كوپ قىسقارۋ الماتى قالاسىندا، قىزىلوردا وبلىسىندا جانە استانا قالاسىندا بايقالدى. باسقا وڭىرلەردە تۇرعىن ءۇي قۇرىلىسى ءوسىم جاعىنان 2,7 پايىزدان 51,9 پايىزعا دەيىنگى قارقىندى كورسەتتى»، - دەدى تيمۋر سۇلەيمەنوۆ.


ءبولىسۋ:
ونلاين قىزمەتكەرلەر
مذراعات