كورەيالىق دارىگەرلەر شىمكەنتتىك ناۋقاستاردى قابىلدادى

None
None
شىمكەنت. قازاقپارات - وڭتۇستىك كورەيالىق دارىگەرلەر شىمكەنتكە كەلىپ، ارىپتەستەرىمەن تاجىريبە الماستى. ۋرولوگيا بويىنشا الەمگە تانىمال پروفەسسورلار - كيم دجە حون مەن كيم ەن دجين وبلىستىق اۋرۋحانادا ناۋقاستاردى قابىلداپ، تەگىن كەڭەستەر بەردى، دەپ حابارلايدى قازاقپارات ءتىلشىسى.

شەتەلدىك دەلەگاتسيانى باستاپ كەلگەن پروفەسسورلار سەۋلدەگى سۋنچونحيان مەديتسينالىق ورتالىعىندا ناۋقاستاردى ەمدەيدى. بۇعان دەيىن الماتىلىقتارعا تەگىن كەڭەس بەرگەن ولار ەرلەر اراسىنداعى نەسەپ جولدارى مەن پروستاتيت جانە ادەنوما دەرتىنىڭ دەندەۋىنىڭ الدىن الادى. مامانداردىڭ پىكىرىنشە، بۇل اۋرۋلار ەر ازاماتتارعا سالاۋاتتى ءومىر سالتىن ۇستانباۋدان، كومپيۋتەردىڭ الدىندا ۇزاق وتىرىپ، جۇمىس ىستەۋ مەن دەنە قيمىلىنىڭ ازدىعىنان اسقىنادى دەپ وتىر.

كورەيالىق دارىگەرلەر شىمكەنتتىك ناۋقاستاردى قابىلدادى«سۋنچونحيان مەديتسينالىق ورتالىعىنىڭ دارىگەرلەرى ەكى جىلدان بەرى قايىرىمدىلىق شارالارىن جۇرگىزىپ جاتىرمىز. بۇل - ءۇشىنشى كەلۋىمىز. جەر-جەردى ارالاپ، ناۋقاستارعا تەگىن كەڭەس بەرەمىز. بۇل جولى 4 دارىگەر شىمكەنتتىك ارىپتەستەرگە شەبەرلىكتى شىڭداۋ دارىستەرىن وتكىزۋگە كەلدىك»، - دەيدى كيم دجە حون.

ايتا كەتەيىك، وتكەن جىلى وڭتۇستىك قازاقستان وبلىستىق دەنساۋلىق ساقتاۋ باسقارماسى مەن وڭتۇستىك كورەيالىق دارىگەرلەر اراسىندا ەكىجاقتى مەموراندۋم جاسالعان بولاتىن. قۇجات بويىنشا بىلتىردىڭ وزىندە وڭتۇستىك قازاقستاندىق 6 دارىگەر كورەي ەلىنە بارىپ، بىلىكتىلىگىن ارتتىرىپ كەلدى. ال، بيىل تاعى 8 دارىگەر سەۋلگە جول تارتپاقشى.

«كورەياعا بارىپ، وقىپ كەلگەن 6 دارىگەر وتكەن جىلدان بەرى 17 رەت وتا جاسادى. زاماناۋي تەحنولوگيانى پايدالانا وتىرىپ، بىلتىر التى وپەراتسيا شەتەلدىك پروفەسسورلاردىڭ قاتىسۋىمەن جاسالدى. ەندى ۇيرەنىپ كەلگەندىرىن شەتەلدىك ماماندارسىز-اق وزدەرى جاساپ جاتىر»، - دەيدى وبلىستىق كلينيكالىق اۋرۋحانانىڭ باس دارىگەرى مارات پاشيموۆ.

سوڭعى جاڭالىقتار