+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

كەشىرە ءبىلۋ

15 ناۋرىز 00:03 624
ءبولىسۋ:
كەشىرە ءبىلۋ

 استانا. قازاقپارات - ءسىزدى الداپ نەمەسە ساتىپ كەتسە، ونى كەشىرۋگە بولا ما؟ جانىمىزعا باتسا، ەشتەڭە بولماعانداي كۇي جاساي المايمىز. جىلدام كەشىرۋ - ءوزىڭىزدى الداۋ، سەبەبى جۇرەگىڭىزدە جارا قالىپ قويادى.

 سوندىقتان كەشىرۋ ءۇشىن ۋاقىت، شىدامدىلىق جانە وزىڭىزبەن جۇمىس جاساۋ كەرەك بولادى. ناتيجەسىندە، اۋىرتپالىق پەن رەنىشتەن بوساپ، ارى قاراي جەڭىل ءومىر سۇرە الاسىز. رەنىش سوزدەردى نەمەسە بۇرىس ارەكەتتى ءجيى جانە وڭاي كەشىرە سالاتىن كەزدەر بولادى، ءبىراق كەيدە اۋىر «سوققى» مەن تەرەڭ «جارا» قالدىرعان جاعدايدا جاي كەشىرە سالۋ مۇمكىن ەمەس. مۇنداي جاعدايدا ولاردى كەشىرۋ ىشكى جۇمىستى قاجەت ەتەدى. بۇل ۋاقىت بويىنشا ۇزاق ءارى قيىن جول بولۋى مۇمكىن. بىرەۋلەر بۇل جولدان وتە السا، باسقالارى كەك العىسى كەلەدى. الايدا كەشىرۋگە وزىنەن كۇش پەن باتىلدىق تاپقان ادام عانا سوڭىندا اۋىر جۇكتەن بوساعان سەكىلدى سەزىمدە بولىپ، ءومىردىڭ جاڭا ءمانىن كورە الادى.

كەشىرىم جۇرەكتى اۋىرتپالىقتان، رەنىشتەن جانە اشۋدان تازارتادى. بۇل جەردە ءوزىڭىز كەشىرگەنىڭىز نەمەسە ونىڭ كەشىرىم سۇراعانى ماڭىزدى ەمەس. وزىمىزگە زيانىن تيگىزەتىنىن بىلە تۇرا، بىرەۋگە رەنجىپ جاتامىز. كەيدە سول رەنىشتى ىشىمىزدە بىرنەشە جىل، كەيدە ءتىپتى بىرنەشە ونجىلدىقتار بويى ساقتاپ جۇرەمىز. كەشىرە سالۋ قيىنعا سوقسا دا، ودان قۇتىلۋعا تىرىسۋ كەرەك. ەندەشە، قالاي كەشىرىپ ۇيرەنەمىز؟ الدىمەن رەنىشتىڭ ناقتى سەبەبىن انىقتاڭىز. دالىرەك نە نارسەگە رەنجىدىڭىز؟ مۇمكىن، دۇرىستاپ ويلانساڭىز، رەنىش سەبەبى تۇككە تۇرمايتىن نارسە بولۋى مۇمكىن. سونىمەن قاتار، نە ءۇشىن رەنجىگەنىڭىزدى دىبىستاپ ايتىڭىز. بۇل رەنىش ارقىلى نە نارسەگە جەتكىڭىز كەلەدى؟ كەيدە « ءتيىمدى» بولعانى ءۇشىن رەنجۋدى جالعاستىرۋىڭىز مۇمكىن. مىسالى، بىرەۋلەر رەنجۋ ارقىلى وزىنە نازار اۋدارعىسى كەلسە، باسقالارى رەنجىتكەن ادام ءوزىن كىنالى سەزىنگەنىن قالايدى. ارينە، بۇل بارلىق جاعدايدا سولاي دەگەن ءسوز ەمەس. ءوزىڭىزدى ءتۇسىنىپ بولعان سوڭ، رەنجىتۋشى ادامدى تۇسىنۋگە تىرىسىڭىز.

 ءار ادامنىڭ باسىنان وتەتىن جاعدايلارىڭ ءبىرى - بايقاماي رەنجىتىپ الۋ. مىسالى، بىرەۋگە ەش ماعىناسى جوق ءسوز باسقانىڭ جانىنا باتۋى مۇمكىن. ەگەر شىنىمەن دە رەنجىتەيىن دەپ ويلاماعان بولسا، ول ادامعا رەنجۋدىڭ قاجەتى بار ما؟ كەي جاعدايدا ادام اشۋ ۇستىندە بولسا، نە ايتقانىن بىلمەي قالۋى مۇمكىن. ءتىزىپ ايتا بەرسەك، بايقاماي رەنجىتىپ الۋدىڭ دا بىرنەشە مۇمكىن جاعدايلارى بار. ەگەر بۇل ايتىلعان قادامدار ەش ناتيجە بەرمەسە، ءسىزدى رەنجىتكەن ادام ومىرىڭىزدەگى ماڭىزدى ادامداردىڭ ءبىرى بولسا، وعان ءوزىڭىز ءبىرىنشى بارۋدى قاراستىرىڭىز. ءبىز باسقا ادامدارعا كوپ رەنجىمەيمىز، ءبىز تەك وتە جاقىن ادامدارعا قاتتى رەنجيتىنىمىز راس. سەبەبى، ول ادامنىڭ ويى ءسىز ءۇشىن ءبارىبىر ەمەس. ءبىز ءومىر بويى جاڭا نارسە ۇيرەنۋمەن بولامىز. ءومىرىمىزدى جەڭىلدەتۋ ءۇشىن كەي زاتتاردى ەرتەرەك بىلگەن دە دۇرىس. سولاردىڭ ءبىرى - ادامداردى كەشىرە ءبىلۋ جانە ءوزىڭىزدىڭ ىشكى دۇنيەڭىزدى دامىتۋ.

 كەشىرىپ ۇيرەنۋ ارقىلى ءوز دەنساۋلىعىڭىزدى كۇتەسىز. كەشىرىم جانىڭىزدى تىنىشتاندىرىپ، دەنەڭىزدى ەمدەيدى. ءسىزدى رەنجىتكەن ادامدى كەشىرۋ ارقىلى جاڭا كۇش پەن مۇمكىندىك الاسىز. جاڭا قاتىناس باستاۋعا، سەنۋگە جانە جاقسى كورۋگە ۇيرەنەسىز. كورىسۋ كۇنى ادامدار ءبىر- بىرىمەن تابىسىپ، قول الىسادى. ەندەشە، بارلىق وكپە- رەنىشىڭىزدى ۇمىتىپ، ءسىزدى رەنجىتكەن ادامداردى شىن كوڭىلمەن كەشىرىپ، جاڭا جىلعا جاڭا كۇشپەن كىرىڭىز. جاقىندارىڭىزعا، تۋىستارىڭىز بەن دوستارىڭىزعا حابارلاسىپ، ولاردى جاقسى كورەتىندىگىڭىزدى ايتىپ، قۋانتىپ قويىڭىز. بىرلىك مەيرامى كورىسۋ كۇنى قۇتتى بولسىن! ءبىر جاستارىڭىزبەن!

 

Massaget.kz


باستى سوزدەر: قوعام,
ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات