+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

جەمقورلىقپەن كۇرەس ساياساتىنا قوعامنىڭ سەنىمى كۇشەيدى - گۇلشارا ءابدىقالىقوۆا

14 ناۋرىز 19:51 130
ءبولىسۋ:
جەمقورلىقپەن كۇرەس ساياساتىنا قوعامنىڭ سەنىمى كۇشەيدى - گۇلشارا ءابدىقالىقوۆا

استانا. قازاقپارات - سوڭعى جىلدارى قازاقستاندا جۇرگىزىلىپ جاتقان سىبايلاس جەمقورلىققا قارسى ساياساتقا جۇرتشىلىقتىڭ سەنىمى كۇشەيدى.

بۇل پىكىردى قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا سىبايلاس جەمقورلىققا قارسى كۇرەس ماسەلەلەرى جونىندەگى ازاماتتىق باستامالاردىڭ Ⅱكونگرەسىندە ءمالىم ەتتى، دەپ حابارلايدى قازاقپارات.

مەملەكەتتىك حاتشى سىبايلاس جەمقورلىققا قارسى ءىس- قيمىل مەن زاڭنىڭ ۇستەمدىگى - «ءتورتىنشى وندىرىستىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ نەگىزگى باسىمدىقتارىنىڭ ءبىرى ەكەنىن اتاپ ءوتتى.

 «2014 -جىلى قازاقستان پرەزيدەنتى «مۇلدە توزبەۋشىلىك» احۋالىن قالىپتاستىرۋ ارقىلى سىبايلاس جەمقورلىققا قارسى قوزعالىسقا بۇكىل قوعامدى تارتۋعا باعىتتالعان سىبايلاس جەمقورلىققا قارسى ستراتەگيانى جاريالاعان ەدى. وسى ۋاقىت ىشىندە 64 شارا اتقارىلىپ، اكىمشىلىك كەدەرگىنى ازايتۋعا، تۇرمىستىق جەمقورلىق دەڭگەيىن تومەندەتۋگە ەلەۋلى سەپتىگىن تيگىزدى. ماسەلەن، قازىر بارلىق وڭىردە ازاماتتارعا بيۋدجەت قاراجاتىنىڭ يگەرىلۋىن، ماقساتقا ساي قولدانىلۋىن، الەۋمەتتىك نىساندار قۇرىلىسىنىڭ ساپاسى مەن مەرزىمىن باقىلاۋعا مۇمكىندىك بەرەتىن قوعامدىق باقىلاۋ كارتاسى ىسكە قوسىلدى. ەلدە جۇرگىزىلىپ جاتقان سىبايلاس جەمقورلىققا قارسى ساياساتقا دەگەن جۇرتشىلىقتىڭ سەنىمى كۇشەيدى»، - دەدى گۇلشارا ءابدىقالىقوۆا استانادا سىبايلاس جەمقورلىققا قارسى ءىس- قيمىل ماسەلەلەرى بويىنشا ازاماتتىق باستامالاردىڭ 2 كونگرەسىندە.

ونىڭ ايتۋىنشا، كەزەكتى زاڭنامالىق وزگەرىستەر سىبايلاس جەمقورلىق سيپاتىنداعى قۇقىق بۇزۋشىلىقتىڭ الدىن الۋ جۇيەسىن جەتىلدىرۋدىڭ قۇقىقتىق نەگىزدەرىن قالىپتاستىردى.

مەملەكەتتىك قىزمەتتىڭ، قۇقىق قورعاۋ، سوت ورگاندارىنىڭ جانە كۆازيمەملەكەتتىك سەكلورداردىڭ كادرلىق ساياساتى قايتا قارالدى. بۇل وزگەرىستەر كادرلىق كورپۋستاعى سىبايلاستىق دەڭگەيىن تومەندەتۋگە باعىتتالعان. حالىقارالىق ىنتىماقتاستىقتا دا قازاقستان سىبايلاس جەمقورلىققا قارسى ءبىرقاتار قۇجاتتاردى ماقۇلداعان.

«قازاقستان ب ۇ ۇ- نىڭ سىبايلاس جەمقورلىققا قارسى كونۆەنتسياسىن، ۇيىمداسقان ترانسۇلتتىق قىلمىسقا قارسى كونۆەنتسيانى، ەۋروپا كەڭەسىنىڭ قىلمىستىق ارەكەتتەردەن تۇسكەن كىرىستەردى جىمقىرۋ، انىقتاۋ، تارتىپ الۋ جانە تاركىلەۋ تۋرالى كونۆەنتسيالارىن راتيفيكاتسيالاعان. ودان بولەك، «سىبايلاس جەمقورلىققا قارسى كۇرەس جونىندەگى ىستانبۇل جوسپارى» مونيتورينگىنىڭ ءوزارا باعا بەرۋگە ارنالعان سۋبوڭىرلىك باعدارلاماسىنا بەلسەندى تۇردە قاتىسىپ وتىرمىز. بيىل ىستانبۇل جوسپارىنىڭ ۇسىنىمداردى اتقارۋ بويىنشا ءتورتىنشى راۋندىنىڭ مونيتورينگى باستالادى. بۇل دا ينكليۋزيۆتى ءتاسىلدى قاجەت ەتەدى»، - دەپ ءوز ءسوزىن تۇيىندەدى گ. ءابدىقالىقوۆا.

اۆتور: ايجان سەرىكجان قىزى


ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات