+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

استانادا جاڭا تۇرعىن ءۇي باعدارلاماسى قابىلداندى - اكىم

14 ناۋرىز 18:54 567
ءبولىسۋ:
استانادا جاڭا تۇرعىن ءۇي باعدارلاماسى قابىلداندى - اكىم

استانا. قازاقپارات - استانا اكىمدىگىندە قالا اكتيۆى «پرەزيدەنتتىڭ بەس الەۋمەتتىك باستاماسىن» جۇزەگە اسىرۋ مەحانيزمدەرىن تالقىلادى، دەپ حابارلايدى ەلوردا اكىمدىگىنىڭ رەسمي سايتى.

قالا اكتيۆىنىڭ وتىرىسى بارىسىندا ەلوردا اكىمى اسەت يسەكەشيەۆ «20-7-25» الەۋمەتتىك باستاماسىنىڭ ماڭىزدىلىعىنا توقتالىپ ءوتتى.

«مەملەكەت باسشىسى اتاپ وتكەندەي، بۇگىنگى تاڭداعى وزەكتى ماسەلەلەردىڭ ءبىرى - «الەۋمەتتىك ماڭىزدىلىق پروبلەماسى». «20-7-25» الەۋمەتتىك باعدارلاماسى تۇرعىن يپوتەكاسىنىڭ قالىڭ بۇقاراعا قولجەتىمدىلىگىن جوعارىلاتىپ، تۇرعىن ءۇي سەكتورىنا جاڭا دەم بەرەدى. ەندى جۇمىسى بار ءار تۇرعىن ءۇشىن تالاپتارى ىڭعايلى يپوتەكالىق زايمدى الا الادى. بۇل بانك سەكتورىن جانداندىرىپ قويماي، تۇرعىن ءۇي نارىعىنىڭ بەلسەندى تۇردە دامۋىنا سەرپىن بەرىپ، ءوندىرىستىڭ دامۋىنا سەپ بولادى. وسى رەتتە جاڭا جۇمىس ورىندارى دا قۇرىلادى»، - دەدى اكىم.

اسەت يسەكەشيەۆ، سونداي- اق الداعى ءبىر ايدىڭ كولەمىندە استانادا جاڭا تۇرعىن ءۇي باعدارلاماسىنىڭ قابىلداناتىنىن جەتكىزدى.

«ەلباسىنىڭ جاڭا الەۋمەتتىك باستاماسىن ەسەپكە الا وتىرىپ، مەن ءوزىمنىڭ ورىنباسارىم سەرگەي حوروشۋنعا، باسقارما باسشىلارىنا قالالىق قولجەتىمدى باسپانا باعدارلاماسىن ازىرلەۋدى تاپسىردىم. ول باعدارلامادا مەملەكەت باسشىسى كوتەرگەن باستامانىڭ ەرەكشەلىكتەرى ەسكەرىلۋى ءتيىس. ءبىر ايدىڭ ىشىندە ءبىز الداعى بەس جىلدا سالىناتىن تۇرعىن ءۇيدىڭ، كوممۋنيكاتسيالاردىڭ كولەمىن، ولاردىڭ ورنالاساتىن اۋداندارىن انىقتاپ الۋىمىز كەرەك. باعدارلاما دايىن ءماسليحاتتىڭ قاراۋىنان سوڭ قابىلداناتىن بولادى»، - دەدى اسەت يسەكەشيەۆ.

ايتا كەتەيىك، 2018 -جىلى تۇرعىن ءۇي باعدارلامالارىن جۇزەگە اسىرۋ اياسىندا استانادا جالپى اۋدانى 78,3 مىڭ شارشى مەتردى قۇرايتىن 6 تۇرعىن ءۇي كەشەنى پايدالانۋعا بەرىلەدى دەپ جوسپارلانۋدا. وسىلايشا، كەزەكتە تۇرعان ازاماتتار ءۇشىن ەلوردانىڭ كوممۋنالدىق تۇرعىن ءۇي قورىنان، سونداي- اق «نۇرلى جەر» تۇرعىن ءۇي قۇرىلىسى باعدارلاماسىنىڭ اياسىندا 1500-گە تارتا پاتەر ۇسىنىلادى دەپ جوسپارلانعان.


باستى سوزدەر: بيلئك جانة ساياسات,
ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات