قازاقستان تاجىكستان زاڭناماسىن جەتىلدىرۋگە كومەكتەسپەك
قۇجات تاجىكستان پرەزيدەنتى ەمومالي راحموننىڭ قازاقستانعا رەسمي ساپارى اياسىندا بەكىتىلدى.
اتاپ ايتقاندا، مەموراندۋمعا ق ر قارجى ءمينيسترى باقىت سۇلتانوۆ پەن تاجىكستاننىڭ اتالعان اگەنتتىگىنىڭ ديرەكتورى باحريددين سيرودجيددينزودا قول قويدى. قۇجات ەلەكتروندى مەملەكەتتىك ساتىپ الۋلار جۇيەسىن دامىتۋدا تاجىريبە ءارى اقپارات الماسۋدى كوزدەيدى. قازاقستان قارجى مينيسترلىگىنىڭ ماماندارى تاجىكستان تاراپىنان مەملەكەتتىك ساتىپ الۋلار سالاسىنداعى زاڭنامانى جەتىلدىرۋ ماسەلەلەرى بويىنشا كەڭەس بەرۋگە تارتىلماق.
«ت م د ەلدەرى ءبىزدىڭ تاجىريبەمىزگە قاراپ وتىر. قازىرگى كەزدە ءبىزدىڭ ساتىپ الۋ جۇيەمىز 100 پايىزعا ەلەكتروندىق تۇردە جۇرگىزىلۋدە. سوندىقتان وسى بۇگىنگى قول قويىلعان مەموراندۋمنىڭ ارقاسىندا تاجىريبەمىزدى ەكسپورتتاپ جاتقانىمىزدى ايتۋعا بولادى. ارى قاراي باسقا ەلدەرگە دە ءوز تاجىريبەمىزدى ەنگىزۋ جوسپارلارىمىزدا بار» ، - دەدى ق ر قارجى ءمينيسترى باقىت سۇلتانوۆ.
بۇگىندە وسى سالادا ەكى ەل اراسىندا ءساتتى ىسكە اسىرىلعان تاجىريبەلەر بار. بەلگىلى بولعانداي، ق ر قارجى مينيسترلىگىنىڭ ۆەدومستۆولىق باعىنىشتى مەكەمەسى «ەلەكتروندىق كوممەرتسيا ورتالىعى» ا ق تاجىكستان ەلەكتروندى مەملەكەتتىك ساتىپ الۋلارى اقپاراتتىق جۇيەسىن دامىتۋدا كەڭەس بەرۋ قىزمەتى بويىنشا دۇنيەجۇزىلىك بانك جوباسىن جۇزەگە اسىرۋ ءۇشىن وتكىزىلگەن بايقاۋدى جەڭىپ الدى. اقپاراتتىق جۇيەنى دامىتۋدىڭ وسى جوباسى 100 ملن تەڭگەدەن استام سوماعا باعالاندى. جوبا مەملەكەتتىك قاجەتتىلىكتەر ءۇشىن ساتىپ الۋلار راسىمدەرىن تولىقتاي اۆتوماتتاندىرۋعا باعىتتالعان. بۇل جوبانى جۇزەگە اسىرۋ شارالارى 2017 -جىلدىڭ قازانىندا جۇرگىزىلدى.
اۆتور: رۋسلان عابباسوۆ