قىتايدا تۇراتىن قازاق كاسىپقوي بوكسشى ا ق ش- تا جەكپە- جەك وتكىزەدى
حوسە سۋلەيمان اتىنداعى بۇكىلالەمدىك بوكس كەڭەسىنىڭ (WBC) جارتىلاي ورتا سالماقتا وتەتىن الەمدىك تۋرنيرىندە ارنايى شاقىرۋمەن 8 كاسىپقوي بوكسشى ونەر كورسەتەدى. ال «Destroyer» (تالقانداۋشى) لاقاپ اتىمەن تانىمال قانداسىمىز بۇل تۋرنيرگە ازيا ەلدەرىنەن قاتىساتىن جالعىز بوكسشى.
ايتا كەتەيىك، العاشقى جەكپە- جەكتەر 2- 7 مامىر كۇنى امەريكانىڭ كەنتۋككي شتاتى لۋيزۆيلل قالاسىندا وتەدى. بەيسەنبى وسى ءتۋرنيردىڭ باستى فاۆوريتى WBC International Silver تيتۋلىنىڭ يەگەرى فرەدريك لوۋسونمەن (26-1-0, 21ك و) رينگكە شىعادى.
ۇلتى قازاق بەيسەنبى ءناسيوللا ۇلى بۇل كۇندە قىتايداعى ەڭ تانىمال كاسىپقوي بوكسشىلاردىڭ ءبىرى. بۇعان دەيىنگى جەكپە- جەكتەرىندە قانداسىمىز WBA جانە WBC تۇجىرىمى بويىنشا ازيا چەمپيونى تيتۋلىن (WBA International super lightweight title,WBC Asian Boxing Council Continental super lightweight title) جەڭىپ العان بولاتىن. قىتايلىق جانكۇيەرلەر ونىڭ بوكستاسۋ مانەرىن جانە كەلبەتىن قازاقستاندىق گەننادي گولوۆكينگە ۇقساتىپ، «OneG» دەپ اتاپ كەتكەن.
اۆتور: مۇحتار قاليموللا ۇلى