+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

نۇرسۇلتان نازاربايەۆ تاجىكستان پرەزيدەنتىن «پاراسات» وردەنىمەن ماراپاتتادى

14 ناۋرىز 16:10 142
ءبولىسۋ:
نۇرسۇلتان نازاربايەۆ تاجىكستان پرەزيدەنتىن «پاراسات» وردەنىمەن ماراپاتتادى

 استانا. قازاقپارات - اقوردادا ەلباسى نۇرسۇلتان نازاربايەۆ پەن قازاقستانعا رەسمي ساپارمەن كەلگەن تاجىكستان پرەزيدەنتى ەمومالي راحمون اراسىندا ەكىجاقتى كەلىسسوز ءوتىپ جاتىر.

 كەزدەسۋ بارىسىندا قازاقستان پرەزيدەنتى تاجىك ارىپتەسىن «پاراسات» وردەنىمەن ماراپاتتادى، دەپ حابارلايدى قازاقپارات.

 «ەلدەرىمىزدىڭ اراسىنداعى دوستىقتى جاقىنداستىرۋعا قوسقان ەڭبەگىڭىزدى باعالاپ، ءسىزدى «پاراسات» وردەنىمەن ماراپاتتاۋ تۋرالى جارلىققا قول قويدىم» ، - دەپ اتاپ ءوتتى كەزدەسۋ بارىسىندا نۇرسۇلتان نازاربايەۆ.

سونىمەن قاتار مەملەكەت باسشىسى تاۋەلسىزدىك العاننان بەرى ەكى ەلدىڭ اراسىنداعى بايلانىستار جوعارى دەڭگەيدە دامىعانىن باسا ايتتى.

 «وسى جىلداردىڭ ىشىندە ءسىزدىڭ باسشىلىعىڭىزدىڭ، ءسىز بەن مەنىڭ قارىم- قاتىناسىمىزدىڭ ارقاسىندا ۇلكەن سەنىمگە نەگىزدەلگەن بايلانىس، ىنتىماقتاستىق جانە دوستىق ورناتتىق دەسەم، ارتىق ايتقاندىق ەمەس. شەشىلمەگەن پروبلەما بىزدە ەش ۋاقىتتا بولعان جوق. ءبىر- ءبىرىمىزدى حالىقارالىق اۋقىمدا دا ءار ۋاقىتتا قولداپ كەلەمىز. مەنىڭشە، بۇل ءسىزدىڭ قازاقستانعا دەگەن كوزقاراسىڭىزدىڭ ارقاسى جانە ەلدەرىمىز ءبىر- بىرىنە جاقىن بولا ءتۇستى. ءبىز بارلىق ۋاقىتتا تاجىكستانعا كەز كەلگەن باعىتتا كومەك بەرۋگە، جانىنان تابىلۋعا، مۇمكىندىگىنشە كومەكتەسۋگە تىرىسامىز» ، - دەدى ەلباسى.

 قازاقستان پرەزيدەنتى بۇگىندە ورتالىق ازياداعى جاعداي مەن قارىم- قاتىناستار وزگەرە تۇسكەندىگىن اتاپ ءوتتى.

 « ءبىز سىزبەن ورىن الىپ وتىرعان كەز كەلگەن ماسەلەنى تالقىلاپ، قاجەتتى دەپ سانايتىن تۇيىتكىلدەردى شەشۋگە دايىنبىز. بۇعان قوسا، كورشى ەلدەردىڭ دە مەملەكەت باسشىلارى كەلەدى. ەرتەڭ كەزدەسۋگە مۇمكىنشىلىگىمىز بار. سىزدەردە اعىمداعى جىلى سۋ جونىندەگى كونفەرەنتسيا وتەتىنىن بىلەمىن. ءبىز ونى قولدايمىز. اشحاباتتا ارال بويىنشا كەزدەسۋ وتەدى جانە تاشكەنتتە دە سونداي كەزدەسۋلەر جوسپارلانعان» ، - دەدى نۇرسۇلتان نازاربايەۆ.


باستى سوزدەر: بيلئك جانة ساياسات,
ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات