+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

ارىستانبەك مۇحامەدي ۇلى قازاقستاندىقتاردى پاراليمپيادانىڭ التىن مەدالىمەن قۇتتىقتادى

14 ناۋرىز 14:29 540
ءبولىسۋ:
ارىستانبەك مۇحامەدي ۇلى قازاقستاندىقتاردى پاراليمپيادانىڭ التىن مەدالىمەن قۇتتىقتادى

استانا. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى قازاقستاندىقتاردى قىسقى پاراليمپيادا ويىندارىندا قازاقستان شاڭعىشىسى الەكساندر كولياديننىڭ التىن مەدال الۋىمەن قۇتتىقتادى، دەپ حابارلايدى «قازاقپارات» ح ا ا ءتىلشىسى.

«ەڭ بىرىنشىدەن، بۇكىل قازاقستاندىقتاردى تاماشا جەڭىسپەن قۇتتىقتايمىن. پحەنچحانداعى پاراليمپيادا ويىندارىندا ءبىزدىڭ قازاقستاندىق الەكساندر كوليادين التىن مەدال ۇتىپ الدى. ول ءبىزدىڭ تاريحىمىزداعى ەلەۋلى وقيعا. بۇل ءبارىمىز ءۇشىن ۇلكەن قۋانىش. سول ءۇشىن بارشا قازاقستاندىقتاردى اسقاق جەڭىسىمەن قۇتتىقتاعىم كەلەدى»، - دەدى ارىستانبەك مۇحامەدي ۇلى استانادا وتكەن قازاقستان رەسپۋبليكاسى مەن وزبەكستان رەسپۋبليكاسى اراسىنداعى ەكىجاقتى ىنتىماقتاستىق جونىندەگى ۇكىمەتارالىق كوميسسياسىنىڭ 17-وتىرىسىندا تىلشىلەرگە بەرگەن سۇحباتىندا.

ەسكە سالا كەتسەك، قازاقستاندىق شاڭعىشى الەكساندر كوليادين پحەنچحانداعى پاراليمپيادادا التىن مەدالدى جەڭىپ العان بولاتىن.

14- ناۋرىزدا وتكەن شاڭعى جارىسى قازاقستان ءۇشىن جەڭىسپەن اياقتالدى. كلاسسيكالىق ادىسپەن 1,5 شاقىرىمدىق سپرينتەرلىك شاڭعى جارىسىندا جارىسقان سپورتشىلار اراسىندا قازاقستاندىق سپورتشى ىرىكتەۋ كەزەڭىندە دە، جارتىلاي فينالدا دا ۇزدىك بولدى. الەكساندر كوليادين فينالدا 4 مينۋت 19,7 سەكۋند ناتيجەسىن كورسەتىپ، الدىنا جان سالمادى. كۇمىس مەدال جاپونيالىق يوشيحيرو نيتتانىڭ ەنشىسىندە كەتسە، «قولاعا» كانادا وكىلى مارك ارەندز جانە فينليانديادان يكك تۋوميستو قول جەتكىزدى.


باستى سوزدەر: سپورت,
ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات