تاشكەنتتەن الماتى مەن استاناعا ۇشاتىن اۋە رەيستەرى كوبەيدى
بۇل تۋرالى قازاقستان رەسپۋبليكاسى مەن وزبەكستان رەسپۋبليكاسى اراسىنداعى ەكىجاقتى ىنتىماقتاستىق جونىندەگى ۇكىمەتارالىق كوميسسيانىڭ 17- وتىرىسى كەزىندە ق ر ينۆەستيتسيالار جانە دامۋ ءمينيستىر جەڭىس قاسىمبەك ايتتى، دەپ حابارلايدى «قازاقپارات» ح ا ا ءتىلشىسى.
«بىلتىر ءبىز استانا مەن تاشكەنتتىڭ ورتاسىندا اپتاسىنا 4 رەيس، الماتى مەن تاشكەنتتىڭ اراسىندا 7 رەيس بولاتىنداي (اۆيارەيس) وزبەك تاراپىمەن كەلىسكەنبىز. ەندى وسى كەلىسىمدە اپتاسىنا الماتى مەن تاشكەنتتىڭ اراسىندا 10 رەيس، استانا مەن تاشكەنتتىڭ ورتاسىندا 7 رەيس بولاتىن بولدى»، - دەدى مينيستر.
جەڭىس قاسىمبەكتىڭ ايتۋىنشا، پويىز تاسىمالى بويىنشا دا ەكى ەل كەلىسىمگە كەلگەن.
«پويىز بويىنشا ايتارىم. اپتاسىنا بۇرىن الماتى - تاشكەنت اراسىندا پويىز ەكى رەت ءجۇرىپ تۇراتىن. وسىدان بىلاي ەكى ارالىقتا ءۇش رەت قاتىنايتىن بولدى. تۇراقتى اۆتوبۋس بۇدان بىلاي تەك تاشكەنت پەن شىمكەنت اراسىندا ەمەس، تاشكەنتتەن استانا مەن الماتىعا دا شىعاتىنداي كەلىسىپ وتىرمىز»، - دەدى جەڭىس قاسىمبەك.
ايتا كەتسەك، ەكى ەلدىڭ ۇكىمەتارالىق كوميسسياسىنىڭ 17- وتىرىسىندا بۇگىن ق ر پرەمەر-ءمينيسترىنىڭ ءبىرىنشى ورىنباسارى اسقار ءمامين مەن وزبەكستان تاراپىنان ءو ر پرەمەر-ءمينيسترىنىڭ ءبىرىنشى ورىنباسارى اچيلباي راماتوۆ ەكى ەلدىڭ اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسياسىنىڭ 17- وتىرىسىنىڭ حاتتاماسىنا قول قويدى.