+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

قانازدىق (انەميا) دەرتىنە شالدىقپاس ءۇشىن قانداي ۇندى تاڭداعان ءجون؟

14 ناۋرىز 12:38 719
ءبولىسۋ:
قانازدىق (انەميا) دەرتىنە شالدىقپاس ءۇشىن قانداي ۇندى تاڭداعان ءجون؟

استانا. قازاقپارات - كوكتەمگە قاراي كوپ ادامداردا انەميا بايقالاتىنى بەلگىلى. ول ادامنىڭ تۇتىناتىن اس مازىرىنە دە بايلانىستى.

وسى ورايدا اسىرەسە ۇندى قاجەتتى زاتتارمەن بايىتۋدىڭ ءرولى زور. ونى فورتيفيكاتسيا دەپ اتايدى.

فورتيفيكاتسيا - ۇن تارتۋ كەزىندە وعان از مولشەردە دارۋمەندەر مەن مينەرالداردى (پرەميكس دەپ اتالاتىن ۆيتاميندى- مينەرالدى كەشەن) قوسۋ پروتسەسى. ول ۇننىڭ ساپاسى مەن قورەكتىلىك قۇندىلىعىن ارتتىرادى. ۇندى تارتۋدا جويىلعان دارۋمەندەر مەن مينەرالدار فورتيفيكاتسيالاۋ كەزىندە وعان قايتادى.

تەمىر تاپشىلىعى انەمياسى اۋرۋىنىڭ الدىن- الۋدا جوعارعى جانە ءبىرىنشى سۇرىپتاعى فورتيفيكاتسيالانعان بيداي ۇنىن پايدالانۋ وتە ماڭىزدى. بايىتىلعان ءونىمدى تانۋعا «heаlthy food» (ساپالى ازىق) لوگوتيپ بەلگىسى كومەكتەسەدى.

ادام دەنساۋلىعىنا قاۋپى بار ماسەلەلەردىڭ بىردەن-ءبىرى -  تەمىر مەن فولي قىشقىلى سياقتى دارۋمەندەر مەن مينەرالداردىڭ جەتىسپەۋشىلىگى سالدارىنان بولاتىن تەمىرتاپشىلىعى انەمياسى. وعان ۇشىراعاندا اعزا تىندەرىنە وتتەگى جەتىسپەيدى، تەمىردىڭ جەتىسپەۋشىلىگىنەن كەيبىر فەرمەنتتەردىڭ بەلسەندىلىگى بۇزىلادى. ايەلدەردە جۇكتىلىك پەن بوسانۋ كەزىندەگى ومىرگە قاتەر تونەتىن كەزدەر بار. ولار از سالماقتاعى بالالاردى جيىرەك بوسانادى.

انەميا كەزىندە شالا تۋۋعا، كۇتپەگەن تۇسىك پەن ءولى تۋۋعا، نارەستەنىڭ دامۋىنداعى تۋا بىتكەن اقاۋلىققا اكەلۋ قاۋىپ-قاتەرى جوعارى دەڭگەيدە كەزدەسەدى. جاس بالالاردىڭ دەنە ءبىتىمى (پسيحوموتورلىق) دامۋىنداعى جەتىلمەۋى جانە السىرەگەن يممۋنيتەت، ىندەت پەن زياندى ەكولوگيالىق فاكتورلارعا قارسىلىعى ناشارلايدى.

انەميا كەسىرىنەن جۇرەك-تامىر، يممۋندىق، ەندوكريندىك، جۇيكە جانە باسقا جۇيەلەردىڭ فۋنكسيالارى بۇزىلادى. دەنە كۇشى مەن توزىمدىلىك ازايادى، سونىڭ سالدارىنان جۇمىس ىستەۋ قابىلەتتىلىگى تومەندەيدى، دەپ جازادى زامانا.

تەمىر تاپشىلىعى انەمياسى كەزىندە تەرى جامىلعىسى مەن شىرىشتى قابىقتاردىڭ بوزارۋى، تابەتتىڭ بولماۋى، قالىپتان تىس اۋەستەنۋشىلىكتىڭ تۋىنداۋى (ەتتەن باس تارتۋ، بور، اك، توپىراق، ساز جەۋدى قالاۋ)، اشى يىستەرگە (كەروسين، بەنزين، اسەتون) قۇمارلىق بايقالادى. شاش سىنعىش، كۇڭگىرت، تالشىق تارىزدەس بولادى، تۇسەدى. تىرناق سىنعىش، جايپاق، ورتاسىندا لاتەرالدى جانە سوڭعى جاقتارى كومكەرىلگەن، قاسىق ءپىشىندى بولادى.

...قىسقاسى، تەمىر تاپشىلىعى انەمياسىنىڭ الدىن-الىپ، ءوز دەنساۋلىعىڭىزدى قورعاۋ ءۇشىن فورتيفيكاتسيالانعان جوعارعى جانە ءبىرىنشى سۇرىپتى بيداي ۇنىن پايدالانىڭىزدار دەمەكپىز.

ش. كوكەبايەۆا، وڭتۇستىك قازاقستان وبلىسى قوعامدىق دەنساۋلىق ساقتاۋ دەپارتامەنتىنىڭ جەتەكشى مامانى


باستى سوزدەر: دةنساؤلئق, قوعام,
ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات