نۇرپەيىس بايعانيننىڭ «نارقىز» داستانى تۇڭعىش رەت ساحنالاندى

None
None
اقتوبە. قازاقپارات - اقتوبەدەگى تاحاۋي احتانوۆ اتىنداعى دراما تەاتردا نۇرپەيىس بايعانيننىڭ «نارقىز» داستانى ساحنالاندى، دەپ حابارلايدى قازاقپارات ءتىلشىسى.

داستان جەلىسى بويىنشا پەسانى قازاقستاننىڭ ەڭبەك سىڭىرگەن قايراتكەرى جولتاي جۇمات جازدى.

ءبىر ساعاتتان استام ۋاقىتقا سوزىلعان قويىلىم كورەرمەن كوڭىلىنەن شىقتى. كورەرمەندەر اكتەرلەردىڭ شەبەرلىگى مەن رەجيسسۋراعا ريزاشىلىقتارىن ءبىلدىرىپ، قوشەمەت كورسەتتى.

«ءسوز شەبەرى، ءسوزدىڭ حاس جۇيرىگى نۇرپەيىس ءبايعانيننىڭ شىعارماسىندا بۇلكىلدەپ سوعىپ تۇرعان قازاقتىڭ قانى بار. نۇرپەيىس اتامىزدىڭ جىرلارى، داستاندارى، ولەڭدەرى، پوەمالارىن جىرشىلار مەن جىراۋلار جىرلاعانىمەن، وسى ۋاقىتقا دەيىن تەاتر ساحناسىنا شىقپاعان ەكەن. ءبىزدىڭ ويىمىزدا، جۇرەگىمىزدە جۇرگەن ارمان وسى بولدى. تاۋەكەل ەتىپ، «نارقىزدى» قولعا الىپ، ساحنالىق نۇسقاسى جازىلدى.

قويىلىمدى اقتوبە دراما تەاترىنىڭ ەڭ ۇزدىك ارتىستەرى ۇسىندى. اۆتور، دراماتۋرگ رەتىندە كوزىمنەن جاس تاماتىنداي بولىپ قارادىم. ءوز ويلاعانىمدى سول كۇيى ساحنالادى. ريزا بولدىم. ءبىز نۇرپەيىس اتامىزدىڭ شىعارماسىنا قىلاۋداي كىربىڭ تۇسىرمەۋىمىز كەرەك. شىعارمانى وڭدەپ، جوندەپ، ءوزىمىزدىڭ ويىمىزدى قوسپاۋىمىز قاجەت. مەن دە سول باعىتتى ۇستاندىم»، - دەدى دراماتۋرگ جولتاي جۇمات.

«نارقىز» تاريحي دراماسىنىڭ قويۋشى رەجيسسەرى ەلتاي كەمال بولدى. قيىندىقتار مەن كەدەرگىلەرگە قاراماستان تىنباي ەڭبەك ەتكەن ۇجىم بۇگىن ءوز جەتىستىكتەرىمەن ءبولىستى.

«ەلباسى نۇرسۇلتان نازاربايەۆ «بولاشاققا باعدار: رۋحاني جاڭعىرۋ» باعدارلامالىق ماقالاسىن جازدى. بۇل - ەل مەن جەردىڭ رۋحىن كوتەرۋگە ۇندەيتىن ماقالا.

تەاتردىڭ بۇرىنعى ديرەكتور نۇرلىبەك جۇباتقانعا دراماتۋرگ جولتاي جۇمات حابارلاسقانىن ايتىپ، «نارقىزدى» ساحنالاۋ تۋرالى وي ءبولىستى. مەن قۋانا قابىلدادىم. جىر تىڭداپ وسكەن ۇرپاقپىز، جۇرەگىمە جاقىن شىعارما. سپەكتاكلدىڭ ىرعاعىن باتىستىڭ مىنەزىنە ساي توكپە جىرمەن بەردىم»، - دەدى رەجيسسەر ەلتاي كەمال.

ايتا كەتەيىك، تاريحي درامادا كىشى جۇزدەن شىققان ونەرلى ءارى اقىلدى، ءور مىنەزدى نارقىز ەسىمدى باتىر قىزدىڭ ەرلىگى مەن ورتا ءجۇزدىڭ قول باستاعان جاس نويانى نيازدىڭ تاپقىرلىعى ۇتىمدى كورسەتىلىپ، ەكى عاشىق اراسىنداعى باياندى ماحاببات كورىنىس تاپتى.

نارقىز ءرولىن اسەم قۇسايىنوۆا، نيازدىڭ ءرولىن جاسۇلان سيمونوۆ سومادادى. سونىمەن قاتار، كەڭەس كەمالبايەۆ، اسەت ورازالين، نۇربولات وتەعۇلوۆ، تولاعاي كاراسايەۆ، ەسەت ورازالين ونەر كورسەتتى.

«بۇل قويىلىمعا كوپ دايىندالدىم. سەبەبى، ءوزىم نازىكپىن، ساحنادا باتىر قىزدىڭ ءرولىن سومدادىم. ەركەكشورا قىزدىڭ وبرازىن اشۋ ءۇشىن ەر ادامداردىڭ مىنەزىن، سوزدەرىن باقىلاپ، ۇيرەندىم»، - دەدى اكتريسا اسەم قۇسايىنوۆا. ەلىمىزدە العاش رەت ساحنالانعان «نارقىز» پەساسىن نۇرپەيىس بايعانيننىڭ بالاسى مومىن بايعانين دە تاماشالادى.

اۆتور: التىناي ساعىندىقوۆا

سوڭعى جاڭالىقتار