سيرەك كەزدەسەتىن قۇستاردى اقتوبەگە جەتكىزبەك بولعان وڭتۇستىك قازاقستاندىق ۇستالدى
تەكسەرۋ بارىسىندا اۆتوكولىك ىشىنەن ماتاعا ورالعان 2 دانا يتەلگى قۇسىن تابىلدى، دەپ حابارلايدى وبلىستىق ىشكى ىستەر دەپارتامەنتىنىڭ باسپا ءسوز قىزمەتى.
اتالعان قۇستاردى زاڭسىز تاسىمالداعانى ءۇشىن وڭتۇستىك قازاقستان وبلىسىنىڭ 28 جاستاعى تۇرعىنى ۇستالدى.
اتالعان دەرەك سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە قازاقستان رەسپۋبليكاسى قىلمىستىق كودەكسىنىڭ 339-بابى (وسىمدىكتەردىڭ نەمەسە جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن، سونداي-اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) بويىنشا تىركەلىپ، ءتيىستى تەرگەۋ امالدارى جۇرگىزىلۋدە.
ۇستالعان ازاماتتىڭ كىناسى دالەلدەنگەن جاعدايدا، ءۇش مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءۇش جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.