بەيجىڭگە قازاقستاندىق استىقتى جەتكىزۋ مەرزىمى ءتورت ەسەگە قىسقاردى

None
None
استانا. قازاقپارات - اقمولا وبلىسىنداعى تەمىرجولدىڭ اتباسار ستانسياسىنان استىق تيەگەن پويىز بەيجىڭگە تىكەلەي جول تارتتى، دەپ حابارلادى «قازاقستان تەمىر جولى» ۇ ك» ا ق- نىڭ باسپا ءسوز قىزمەتى.

«ق ت ج» ۇ ك» ا ق- نىڭ 53 جابىق ۆاگونىنان تۇراتىن سالماعى 4,5 مىڭ توننالىق جىلجىمالى قۇرام ءتيىستى بەكەتكە دەيىن جولاۋشىلارعا ارنالعان ستانسالارعا سوقپاي، ارنايى بەكىتىلگەن كەستەمەن جۇرەدى.

«پويىز جولدا ءبىر جارىم تاۋلىك جۇرەدى. 36 ساعاتتان سوڭ دوستىق ستانتسياسىنا توقتايدى. وسى باعىتپەن پويىز وزگەلەرىنە قاراعاندا، ءتورت ەسە جىلدامدىقپەن تاۋلىگىنە 800 شاقىرىمدى ءجۇرىپ وتەدى»، - دەيدى اتباسار ستانتسياسىنىڭ باستىعى سەرىك قاينيدەنوۆ.

«بەركات- ەكسپورت» ج ش س وسى قىزمەت ءتۇرىن پايدالانىپ، بەيجىڭگە 20 ۆاگون استىق جىبەردى. بۇل كومپانيانىڭ قۇرىلتايشىسى احمەت وگايەۆ اتالمىش باعداردىڭ ەڭ ءتيىمدى تۇسى - پويىز باعدارىنىڭ جەدەل ۇيىمداستىرىلۋى ەكەندىگىن ايتادى.

«بۇرىن قىتايعا پويىزدار ءبىزدىڭ جۇكتەرىمىزدى ءبىر اپتادا جەتكىزەتىن. قازىر ەندى بۇعان ەكى- اق كۇن كەتەدى. ءبىز ەندى اپتاسىنا ەكى رەت استىق تيەيمىز. ونىڭ سىرتىندا پويىزدىڭ قايدا جۇرگەندىگىن ونلاين رەجيمىندە باقىلاي الامىز. بۇل ءبىز سەكىلدى جۇك جىبەرۋشىلەرگە عانا ەمەس، تەمىرجولشىلاردىڭ وزدەرىنە دە وتە ىڭعايلى جانە تابىستى جوبا بولىپ تابىلادى»، - دەيدى ا. وگايەۆ.

سوڭعى جاڭالىقتار