كەڭسە ورىندىعى جايلى قىزىقتى مالىمەتتەر

None
None
 استانا. قازاقپارات - كرەسلونىڭ ەڭ العاشقى نۇسقاسىن ادامدى مايمىلدان جاراتىلعان دەپ سەندىرۋشى عالىم چارلز دارۆين ويلاستىرعان.

 1800 -جىلى عالىم وسى يدەياسىمەن سول زاماننىڭ ادامدارىن قىزىقتىرا الماعان ەكەن. بىرنەشە عاسىر وتە تانىمالدىلىققا يە بولعان بۇل قۇرىلعى قازىر دۇنيە ءجۇزى بويىنشا قولدانىستا. چارلز دارۆين ويلاستىرعان دۇنيە بولعاندىقتان بۇل كرەسلولار دا بىرنەشە ەۆوليۋتسياعا بولىنگەن. العاشقى شىققان كرەسلولار تىم قاراپايىم بولسا، قازىرگىلەردىڭ ءتىپتى وزىندىك فۋنكتسيالارى بار. اپتاسىنا 5 كۇن كەڭسە قىزمەتكەرلەرىنىڭ ارقا سۇيەر ورىندىعىنا اينالىپ كەتكەن جۇمىس كرەسلوسى جايلى قىزىقتى مالىمەتتەر جەتەرلىك.


ەۋروپادا كرەسلو دوڭگەلەكتەرىمەن كەڭسە ىشىندە سىرعاناۋ زاڭ بۇزۋشىلىققا جاتادى. ءتىپتى، يتاليادا جۇمىسقا كىرەر الدىنداعى كەلىسىمشارتقا كرەسلونى قولدانۋ ەرەجەلەرى جازىلادى. ەگەر ەرەجەنى بۇزعان جاعدايدا باسشىلىق قىزمەتكەر ايلىعىنىڭ 10 پايىزىن شەگەرىپ قالادى. ا ق ش- تا جۇرگىزىلگەن زەرتتەۋ بويىنشا، كەڭسەدە جۇمىس ىستەيتىن ءبىر عانا ادام كرەسلو دوڭگەلەكتەرى ارقىلى كابينەت ىشىندە جىلىنا 13 شاقىرىم جول جۇرەدى ەكەن.


 2011 -جىلى گەرمانيانىڭ كەڭسە قىزمەتكەرلەرى كرەسلومەن ەڭىسكە قاراي سىرعاناۋ ارقىلى ءوزارا جارىس ۇيىمداستىردى. سپورتتىڭ جاڭا ءتۇرى دەپ الەمگە جار سالعان قىزمەتكەرلەردىڭ بايگەسى وتە قىزىقتى ءارى مىقتى باسەكەلەستىكپەن وتكەن. ناتيجەسىندە تومەنگە 183 مەتىر سىرعاناعان قاتىسۋشى جەڭىسكە جەتىپتى. بۇل جاڭالىقتى ەستىگەن رەسەيلىكتەر دە قالىس قالماي قازان قالاسىندا «وفيس- راللي 2012» تۋرنيرىن ۇيىمداستىردى. ويىن شارتى بويىنشا قاتىسۋشىلار جۇمىس كرەسلوسى ارقىلى شاپشاڭدىقپەن 25 مەتىر قاشىقتىقتى باعىندىرۋ كەرەك. جارىسۋ دەگەندى ەستىگەن "Ferrari" اۆتوكولىگىنىڭ ديزاينەرلەرى بۇل جاڭالىقتى قولداۋ ماقساتىندا ءوز كومپانيالارنىڭ اتىنان سپورتتىق كرەسلو جاساپ شىعاردى. بۇل تۋىندى الەمدەگى ەڭ قىمبات كرەسلو دەپ جاريالاندى. باعاسى - 1,5 ميلليون دوللار. ادامنىڭ جايلىلىعى ءۇشىن جاسالعان بۇل كرەسلودا وتىرساڭىز ءوزىڭىزدى قۇددى باستىق سياقتى سەزىنەسىز. وتە ىڭعايلى، جۇمساق كرەسلونىڭ ءتىپتى ادام بۇلشىق ەتتەرىن قاتايتاتىن قابىلەتى دە بار ەكەن. زامانىنا قاراي امالى دەگەن وسى بولار. ويلاۋ ءورىسى، دامۋ كوكجيەگى كەڭەيگەن ادام بالاسىنىڭ تۇتىناتىن، ءتىپتى كوزگە دە ىلمەيتىن تۇرمىستىق دۇنيەلەرى ۋاقىت وتكەن سايىن جاڭارىپ، جاڭعىرىپ جاتىر.

 

Massaget.kz

سوڭعى جاڭالىقتار