اعزا قۋاتىن كوتەرەتىن ازىق- تۇلىكتەر

None
None
 استانا. قازاقپارات - تەز شارشاۋ، ۇيقىشىلدىق، قالجىراعاندىق، كوڭىلسىزدىك - ولاردىڭ ءبارى ومىرلىك قۋات دەڭگەيىنىڭ ءتۇسىپ كەتكەندىگىن بىلدىرەدى.

ونىمەن كۇرەسۋ ءۇشىن تاماقتانۋ ۇلەسىڭىزگە ەنەرگەتيكالىق ازىق- تۇلىكتەردى قوسقان ءجون. اعزانىڭ قۋاتىن قالاي كوتەرۋگە بولادى؟ ادام اعزاسىنداعى ومىرلىك كۇش دەڭگەيى مەن تونۋسىن كوتەرۋ قاسيەتى ناقتى بايلانىسقا يە. ءبىرى ورگانيكالىق زاتتار توبىنا جاتسا، باسقالارى مينەرالدى تۇرىنە جاتادى. كەپىلدى ناتيجە الۋ ءۇشىن كۇندەلىكتى مازىرىڭىزدە وسى ەكەۋىنەن دە تۇراتىن ميكروبولشەكتەرى بار تاعامدار بولۋى كەرەك. ادام اعزاسىنا قۋات بەرەتىن حيميالىق بەلسەندى قۇرامالار ءتىزىمى مىناداي بولىپ كەلەدى:

 - اقۋىزدار. ولار شارشاعاندىقپەن كەرەمەت كۇرەسۋشىلەر. سونىمەن قاتار ولار ۇزاققا دەيىن قارىن اشىتقىزبايدى. اقۋىزدىڭ كوپ مولشەرى بالىقتا، ەتتە، جاڭعاقتاردا جانە بۇرشاقتى داقىلداردا بولادى.

 - كومىرسۋلار. كۇردەلى كومىرسۋلار ۇزاققا دەيىن شارشاماۋعا كومەكتەسەدى.

- قانىقپاعان مايلى قىشقىلدار. ومەگا-3 كوپ قانىقپاعان مايلى قىشقىلدارىنا اسا ءمان بەرۋ كەرەك. ولار تابيعاتىنان انتيوكسيدانتتار بولىپ تابىلادى، ياعني بوس راديكالداردى جويۋ ارقىلى قالپىنا كەلۋگە كومەكتەسەدى جانە جەتكىلىكتى قۋات دەڭگەيىن بەرەدى. ومەگا-3 قانىقپاعان مايلى قىشقىلىنا باي ونىمدەرگە بالىق مايى، تەڭىز جانە قىزىل بالىق، وسىمدىك مايلارى جاتادى.

 - اسكوربين قىشقىلى. س دارۋمەنى دە انتيوكسيدانتتار توبىنا جاتادى. اسكوربين قىشقىلى اعزانىڭ تەمىر ميكروەلەمەنتىن ءسىڭىرۋ دەڭگەيىن جوعارىلاتادى. تەمىر - ادام دەنەسىنىڭ قۋاتىن كوتەرەتىن حيميالىق زات. بۇل دارۋمەن مۇكجيدەكتە، قاراقاتتا، سيترۋس تۇقىمداستاردا جانە يتمۇرىن جەمىسىندە بولادى.


 - سەلەن. ول ادامنىڭ كوڭىل كۇيىن جاقسارتادى جانە ومىرلىك كۇشىن ارتتىرادى. سەلەن - ءداندى داقىلدار، جاڭعاقتار، جاسىل جاپىراقتى وسىمدىكتەر، سارىمساق پەن كوك جۋانىڭ مىندەتتى قۇراۋشىسى.

- ماگني. بۇل مينەرالدى زات گليۋكوزانى ەنەرگياعا اينالدىراتىن بيوحيميالىق رەاكسياعا قاتىسادى. سونىمەن قاتار، ونىڭ زات الماسۋدا وينايتىن ءرولى كوپ. ونىڭ كوپ مولشەرى بالىق ەتىندە، ءداندى داقىلداردا، ءسۇت قىشقىلدى ونىمدەردە جانە شەكىلدەۋىكتەردە بولادى. ەنەرگەتيكالىق ازىق- تۇلىكتەر ءوزىڭىزدى سەرگەك ءارى ەنەرگياعا تولى سەزىنۋ ءۇشىن مىنا ونىمدەردى تاماقتانۋ ۇلەسىڭىزگە قوسىڭىز: سۇلى جارماسى. بۇل ءداندى داقىلدىڭ باستى قۇراۋشىلارى

- پروتەين، جاسۇنىق، ماگنيي، فوسفور جانە ۆ دارۋمەندەر توبى. حيميالىق قۇرامعا باي سۇلى جارماسى ادام اعزاسىنىڭ قۋاتىن ۇزاق ۋاقىتقا كوتەرەدى. بۇل ناتيجەنى ودان دا پايدالى ەتۋ ءۇشىن سۇلى جارماسىنان جاسالعان بوتقاعا گرەك جاڭعاعىن نەمەسە جيدەك دجەمىن قوسىپ جەڭىز. ساۋمالدىق (شپينات) . ونىڭ قۇرامىندا سەلەن مەن تەمىردىڭ جەتكىلىكتى مولشەرى بار. سونىمەن قاتار، ول س دارۋمەنىنە، ماگنيي مەن كالييگە باي. ول كۇشتىڭ ازايۋىمەن كۇرەسىپ، ادامعا سەرگەكتىك سەزىمىن قايتارادى.

ۇرمە بۇرشاق (فاسول) . قۇنارلى بۇرشاقتار ۇزاققا دەيىن قارىن اشىتقىزبايدى جانە ءتۇرلى زياندى جيناقتاردى اعزادان شىعارىپ تاستايدى. انار. ونىڭ لاعىل ءتۇستى تۇيىرشىكتەرى دارۋمەندەر مەن مينەرالدى تۇزدارعا باي. ونىڭ ادام اعزاسىنداعى ەنەرگيا دەڭگەيىنە اسەر ەتەتىن قۇراۋشىلارىنا كالتسيي، مىرىش، كالي، ماگني، اسكوربين قىشقىلى، ۆ دارۋمەندەر توبى، ە دارۋمەنى جانە رۋتين كىرەدى. انار جەمىسىن تاماقتانۋىڭىزعا ءجيى قولدانۋ ەنەرگەتيكانى كوتەرۋدەن باسقا تابەتتى جاقسارتادى جانە يممۋنيتەتتى بەكىتەدى.

مايسىز تاۋىق ەتى. ول ومىرلىك كۇشتىڭ تۇسۋىمەن جاقسى كۇرەسەتىن امينقىشقىلدارمەن جانە تەمىر ميكروەلەمەنتىمەن قۇنارلانعان. مايسىز تاۋىق ەتى جۇيكە جۇيەسىنىڭ جۇمىسىن دا رەتتەيدى. سكۋمبريا. سكۋمبريا - ۆ12 دارۋمەنىنىڭ قاينار كوزى. اعزاڭىزعا سكۋمبريانىڭ پايداسى بولۋى ءۇشىن ونى قايناتىلعان نەمەسە بۋدا بۇقتىرىلعان كۇيىندە جەگەن ءجون. جاڭعاقتار مەن شەكىلدەۋىكتەر. اعزانىڭ ەنەرگيا دەڭگەيىن جوعارىلاتۋعا بادام جاڭعاعى، كەشيۋ، پىستە، برازيليا جاڭعاعى، ورمان جاڭعاعى (فۋندۋك) ، كۇنجىت جانە كۇنباعىس شەكىلدەۋىكتەرى كوبىرەك كومەكتەسەدى. بۇل ايتىلعان ونىمدەردىڭ بارلىعىندا كوڭىل كۇيىمىزگە اسەر بەرەتىن اقۋىز جانە تريپتوفان امينقىشقىلى بار. بانان. ول قارنىڭىزدى ۇزاق ۋاقىت توق ۇستايدى. بانان ەنەرگيامەن قۋاتتايدى جانە باس ميىنىڭ جۇمىسىن جاقسارتادى. سۇزبە. بۇل اقۋىزدى ءونىم اعزاعا تەز سىڭەدى. سۇزبەدە ۇزاق جانە جوعارى جۇمىسقا قابىلەتتىلىكتى قامتاماسىز ەتەتىن پايدالى قۇرام بار.

 

Massaget.kz

سوڭعى جاڭالىقتار