استانا اكىمدىگى سوعىم ماۋسىمىندا ەت باعاسىنىڭ قالاي بولاتىنىن مالىمدەدى
استانادا ەت باعاسىن تۇراقتاندىرۋ ماقساتىندا ءىرى تاۋار وندىرۋشىلەرىمەن كوممۋنالدىق بازارعا سيىر ەتىن بەكىتىلگەن باعامەن تىكەلەي جەتكىزۋ بويىنشا كەلىسىم شارتتار جاسالدى. «اتالعان كەلىسىم شارتتار شەڭبەرىندە سيىر ەتىنىڭ الدىڭعى جاۋىرىن بولىگىن ساتىپ الۋ باعاسىن (1300 تەڭگە/كەلى) جانە بولشەك ساتۋ باعاسىن (1350 تەڭگە/كەلى) بەلگىلەۋگە مۇمكىندىك بەردى. سونىمەن بىرگە، اقمولا وبلىسىنىڭ سەلينوگراد اۋدانى وندىرۋشىلەرىنىڭ قاتىسۋىمەن اۋىلشارۋاشىلىق جارمەڭكە ۇيىمداستىرىلدى. وندا سيىر ەتىنىڭ باعاسىن 1300ت گ/ك گ بەكىتىلگەن»، - دەلىنگەن اۋىلشارۋاشىلىق باسقارماسى تاراتقان اقپاراتتىق حابارلامادا.
ايتا كەتەيىك، ەلوردادا ازىق-تۇلىك باعاسىن تۇراقتاندىرۋعا ونىڭ ىشىندە ەت باعاسىن رەتتەۋگە قالادا اپتا سايىن وتكىزىلىپ جاتقان اۋىلشارۋاشىلىق جارمەڭكەلەرى سەپتىگىن تيگىزىپ جاتىر. اعىمداعى جىلدىڭ ناۋرىز ايىنان بۇگىنگە دەيىن استانادا 64-ايماقتىق اۋىلشارۋاشىلىق جارمەڭكەسى وتكىزىلىپ، وندا 27440 مىڭ توننا ءونىم ساتىلدى. قالا اكىمدىگى اتالعان جارمەڭكەنى قاراشا ايىنىڭ سوڭىنا دەيىن وتكىزۋدى كوزدەپ وتىر.