جارتى عاسىر تۇرمەدە وتىرعان ەڭ قاتىگەز قىلمىسكەر كوز جۇمدى - فوتو
1972 -جىلى چارلز مەنسوندى ءومىر بويىنا باس بوستاندىعىنان ايىرىپ، تۇرمەگە جاپتى. ول رەجيسسەر رومان پولانسكيدىڭ جۇكتى ايەلى مەن تاعى جەتى ادامدى اياۋسىز ولتىرگەن.
مەنسوننىڭ دەنساۋلىعى ناشارلاپ، ەمحاناعا جەتكىزىلگەن. دارىگەرلەر ونىڭ جاقىن ارادا كوز جۇماتىنىن ايتادى. دەنساۋلىعى كوتەرە المايتىن بولعاندىقتان وتا جاساۋدان باس تارتادى.
قىلمىسكەر «وتباسى» دەپ اتالاتىن اعىمنىڭ كوشباسشىسى بولدى. ول ۇيىمنىڭ ءار مۇشەسىنە جاڭا ات قويىپ، ولاردى اپكە- باۋىر دەپ اتاعان.
1969 -جىلى اعىمنىڭ مۇشەلەرى رەجيسسەر رومان پولانسكيدىڭ ۇيىنە ءتۇسىپ، ايەلى اكتريسا شەرون تەيتتى باۋىزداپ ولتىرگەن. اكتريسانىڭ قۇرساعىندا 8 ايلىق ءسابيى بولعان.
قىلمىسكەر ونىڭ قانىمەن «دوڭىز» دەپ جازىپ كەتەدى. ۇيگە كەلگەن 4 قوناقتى دا ءولىتىرىپ كەتكەن. رەجيسسەردىڭ ءوزى بۇل ۋاقىتتا لوندوندا جۇمىس ساپارىمەن جۇرگەن.
كەلەسى كۇنى «لەننو» دۇكەندەر جەلىسىنىڭ باسشىسى مەن ايەلىن ولتىرەدى. قۇرباندار 169 جەردەن پىشاقتالىپ، 7 رەت وققا ۇشقان.
قىلمىسكەرلەر The Beatles انىندە ايتىلاتىنداي ماقساتى «توزاق شاشۋ» ەكەنىن ايتادى. ءمەنسوننىڭ ءوزى ءبىر كەزدەرى مۋزىكانت بولعىسى كەلىپ، Beach Boys توبىندا گيتارادا ويناعان.
مەنسون مەن ونىڭ 7 جاقتاسى ءولىم جازاسىنا كەسىلدى. الايدا بۇل جەڭىل جازا ەكەنى ايتىلىپ، ءومىر بويىنا باس بوستاندىعىنان ايىرۋ جازاسىنا اۋىستىرىلدى.
1984 -جىلى وزگە سوتتالۋشى يان حولمسترەم مەنسونگە شابۋىلدايدى. ونى ورتەپ جىبەرمەك بولادى، ءبىراق مەنسون ءتىرى قالعان.
2014 -جىلى مەنسون ءۇشىنشى رەت ۇيلەنىپ 25 جاستاعى ەلەن بەرتونمەن قوسىلادى. ول ءۇشىن بويجەتكەن تۇرمەگە جاقىن جەرگە كوشىپ كەلەدى. ەلەن ماڭدايىنا كرەستتىڭ سۋرەتىن ويىپ جازادى. قىلمىسكەردىڭ سوڭىنان ەرۋشىلەردىڭ ءبارى ماڭدايىنا سولاي جازعان.
مەنسون وسىلايشا ەڭ قاتىگەز قىلمىسكەر سيمۆولىنا اينالعان. «مەنسون» كينو كارتيناسى 1973 -جىلى «وسكار» سىيلىعىنا ۇسىنىلعان ەدى. ال، 2015 -جىلى مەنسونگە ارنالعان «سۋقۇيعىش» اتتى سەريال شىقتى.
Stan.kz