قازاقستاندا الداعى قىس وتە سۋىق بولادى

 استانا. قازاقپارات - قازاقستاندىق قۇتقارۋشىلار قاتتى سۋىق قىسقا دايىندالىپ جاتىر جانە كوكتەم ەرتە كەلەدى دەپ بولجانۋدا.

قازاقستان ىشكى ىستەر ءمينيسترىنىڭ ورىنباسارى يۋري يلين ازاماتتىق قورعانىس ورگاندارىنىڭ قىس مەزگىلىنە دايىندىعى تۋرالى ايتىپ بەردى، دەپ حابارلايدى Sputnik.

«كوپتەگەن مەتەو قىزمەت قىس قاتتى سۋىق بولادى دەپ بولجام جاساپ وتىر. ءبىز «كازگيدرومەت» بولىمشەسىنىڭ مالىمەتتەرىن نەگىزگە الامىز. بولجامنىڭ دالدىگى - %60. سينوپتيكتەردىڭ بولجاۋىنشا، جەلتوقساندا ورتاشا اۋا تەمپەراتۋراسى قازاقستاننىڭ سولتۇستىك، سولتۇستىك- شىعىس جانە ورتالىق بولىكتەرىندە نورمادان تومەن بولادى، جاۋىن- شاشىن مول تۇسەدى»، - دەپ حابارلادى يلين بريفينگتە.

قاڭتاردا رەسپۋبليكانىڭ ورتالىق، سولتۇستىك جانە شىعىس بولىگىندە سۋىق كوپ جىلدىق قاداعالاۋ نورماسىنان تومەن بولادى. اقپاندا ەلدىڭ باتىسى مەن سولتۇستىك- باتىسىندا سۋىق نورمادان تومەن بولادى دەپ بولجانىپ وتىر. قازگيدرومەتتىڭ بولجاۋىنشا، كوكتەم ەرتە شىعىپ، جاۋىن- شاشىن كوپ تۇسەدى.

ۆيتسە- مينيستر قىس مەزگىلىندە جاعداي قيىندايتىن بولسا، توتەنشەلىكتەر شۇعىل ارەكەت ەتەتىنىن اتاپ ءوتتى. بارلىق تەحنيكا ساقاداي ساي دايىن تۇر. 9-10 قاراشا كۇندەرى «قىس-2017» وقۋ- جاتتىعۋى اياسىندا توتەنشە جاعدايلارعا دايىندىق شارالارى پىسىقتالدى.