قار بارىسى «جويىلۋ قاۋپى تۋعان» اڭداردىڭ ساناتىنان شىعارىلدى

None
None
استانا. قازاقپارات - «حالىقارالىق قىزىل كىتاپ» قار بارىسىن «جويىلىپ كەتۋ قاۋپى بار» ساناتتان «قورعالۋى ءتيىس» ساناتقا ەنگىزدى،

 دەپ حابارلايدى «قازاقپارات» ح ا ا ءتىلشىسى.

جاعىمدى جاڭالىق تۋرالى ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ ورمان شارۋاشىلىعى جانە جانۋارلار دۇنيەسى باسقارماسىنىڭ باسشىسى باقىتبەك دۇيسەكەيەۆ و ك ق- دا وتكەن باسپا ءسوز ءماسليحاتىندا ايتىپ بەردى.

 «قازاقستاندا سوڭعى دەرەكتەر بويىنشا 120-130 شاقتى قار بارىسى بار. قار بارىسى ەلىمىزدە 50 مىڭ گەكتار اۋماقتا مەكەندەيدى. ونىڭ بارلىعى البەتتە، ەرەكشە قورعالاتىن اۋماقتارعا كىرىپ وتىر. ناقتى جۇمىستاردى ءبىلىم جانە عىلىم مينيسترلىگىنىڭ عىلىمي زوولوگيا ينستيتۋتى قازاقستاننىڭ بيورەسۋرستاردى قورعاۋ بويىشا قاۋىمداستىعىمەن بىرگە جۇمىس جۇرگىزۋدە. كەلەسى جىلى قار بارىسىنىڭ ءوسىمى نەمەسە كەمۋى تۋراسىندا ناقتى كورسەتكىش بەلگىلى بولادى»، - دەيدى ول.

 باقىتبەك دۇيسەكەيەۆتىڭ ايتۋىنشا، قار بارىسى مەكەن ەتەتىن الەمدەگى 13 مەملەكەت بىرلەسكەن باعدارلاما جاساعان.

«سوڭعى دەرەكتەرگە سۇيەنسەك، جەر شارىندا قازىرگى ۋاقىتتا 7,5 مىڭعا جۋىق قار بارىسى بار ەكەن. حالىقارالىق قىزىل كىتاپتىڭ دەرەكتەرى بويىنشا بۇرىن قار بارىسى جەر شارىندا «جويىلىپ كەتۋ قاۋپى بار» اڭداردىڭ قاتارىنا ەنىپ تۇرعان. قازىر جىرتقىش «قورعالۋى ءتيىس» اڭداردىڭ ساناتىنا كوشىرىلدى. بۇل 13 مەملەكەتتىڭ بىرلەسە اتقارعان جۇمىسىنىڭ ارقاسىنداعى قول جەتكىزگەن جەتىستىك دەۋگە بولادى»، - دەيدى باقىتبەك دۇيسەكەيەۆ.

 كوميتەت وكىلىنىڭ ايتۋىنشا، سوڭعى 10 جىلدا قازاقستاندا قار بارىسىن زاڭسىز اۋلاۋ فاكتىسى تىركەلمەگەن.

اۆتور: ايان بەكەن ۇلى

سوڭعى جاڭالىقتار