قوبالجۋدى جەڭۋ ادىستەرى

None
None
استانا. قازاقپارات -  ماڭىزدى كەزدەسۋ، جاۋاپتى شارا، ماڭىزى زور جەكە وقيعا سەكىلدى ادامدى قوبالجىتاتىن سەبەپتەر ومىردە كوپتەپ كەزدەسەدى. سونىڭ سالدارىنان جۇرەگىڭىزدىڭ سوعىسى جيىلەيدى، الاقانىڭىز تەرلەي باستايدى نەمەسە ىشىڭىزدە جاعىمسىز سەزىم ورىن الادى. تومەندە قوبالجۋ بەلگىلەرىمەن قالاي كۇرەسۋ كەرەكتىگىنە توقتالامىز.

ءوزىڭىزدى ەركىن ۇستاڭىز. سابىرلىلىقتىڭ باستى قۇپياسىنىڭ ءبىرى وزىڭىزبەن ۇنەمى جۇمىس ىستەۋ. ەگەر قوبالجۋ ءاردايىم ءسىزدىڭ سەرىكتەسىڭىزگە اينالسا، ونىمەن ىشكى تىنىشتاندىرۋدىڭ كەز كەلگەن تەحنيكاسىن قولدانۋ ارقىلى كۇرەسۋ كەرەك. وعان يوگا، مەديتاتسيا جانە وي جاتتىعۋلارى جاتادى. كەي ادامدارعا توقۋ نەمەسە ىدىس جۋۋدىڭ ءوزى جۇيكەلەرىن تىنىشتاندىرادى. سوندىقتان ءوزىڭىزدى تىنىشتاندىراتىن ىسپەن اينالىسىڭىز.

 قوبالجۋدى باسۋدا داۋىستاپ سويلەۋ تەحنيكاسى دا ءتيىمدى كومەكتەسەدى. ماڭىزدى كەزدەسۋ نەمەسە شارا الدىندا ءوزىڭىز جالعىز نەمەسە باسقا تىڭداۋشىمەن جان- جاقتى جاتتىعىڭىز. مىسالى، سالەمدەسۋدى جانە قوشتاسۋدى ويلاستىرىڭىز. الايدا مۇنداي جاتتىقتىرۋدى كۇندىز جاساعان ءجون. ەگەر بۇل ىسكە كەشكە كىرىسسەڭىز، تۇنىمەن ۇيىقتاي الماۋىڭىز مۇمكىن.

 تەرەڭ تىنىس الىڭىز. الاقان تەرلەۋى، ءجيى جۇرەك سوعىسى، باس اينالۋ سەكىلدى قوبالجۋ بەلگىلەرى - كۇيزەلىس گورمونىنىڭ جانە ادرەناليننىڭ شىعۋىنا بايلانىستى اعزانىڭ تابيعي فيزيولوگيالىق جاۋاپ بەرۋى. بۇل جاعدايدا ولاردان تىنىس الۋ جاتتىعۋلارى ارقىلى جىلدام قۇتىلۋعا بولادى. ول كەزدە كەۋدەمەن ەمەس، ىشپەن تىنىس الۋ كەرەك. كۇيزەلىس بەلگىسىن جىلدام كەتىرۋ ءۇشىن «10-عا دەيىن تىنىس الۋ» تەحنيكاسىن قولدانساڭىز بولادى. ول ءۇشىن «1-2-3-4» دەپ ساناعاندا ىشكە تەرەڭ تىنىس الىپ، «5-6-7-8» دەگەندە باياۋ دەم شىعارىپ، «9-10» كەزىندە ءۇزىلىس جاساڭىز. وسى جاتتىعۋدى 4-5 رەت قايتالاعان سوڭ جۇرەك سوعىسىڭىز قالپىنا كەلە باستايدى.

 ءوز كۇشىڭىزگە سەنۋ. ءوز كۇشىڭىزگە جانە قابىلەتىڭىزگە سەنۋ بارلىق قوبالجۋدى جەڭىپ شىعاتىنىن ەسىڭىزدە ساقتاڭىز. وزىڭىزگە دەگەن سەنىمدى ارتتىرۋ ءۇشىن وسى ۋاقىتقا دەيىن جەڭىپ شىققان دارەجەلەر ءتىزىمىن جاساڭىز. وعان تەك بايقاۋلار عانا جاتپايدى.

 ومىرىڭىزدە كەزدەسكەن قانداي دا ءبىر قيىنشىلىققا بوي ۇسىنباي جەڭىپ شىققانىڭىزدى دا جەڭىسكە جاتقىزىڭىز. وزىڭىزگە سەنۋدىڭ تاعى ءبىر جولى ءوزىڭىزدى تولىقتاي، ياعني ارتىقشىلىعىڭىز جانە كەمشىلىكتەرىڭىزبەن بىرگە قابىلداۋ.

دەرەككوزى: «پ ت» توپتاماسىنان

سوڭعى جاڭالىقتار