سولتۇستىك كورەياعا رەيس جاسايتىن جالعىز اۋە كومپانياسى ۇشۋىن توقتاتتى

استانا. قازاقپارات - سولتۇستىك كورەياعا رەيس جاسايتىن جالعىز اۋە تاسىمالداۋشىسى - Air China اۋە كومپانياسى اۋە قاتىناسىن ۋاقىتشا توقتاتاتىنىن مالىمدەدى.

 قىتاي مەملەكەتتىك اۋە كومپانياسى وكىلدەرىنىڭ ايتۋىنشا، بۇعان سۇرانىستىڭ جەتكىلىكسىزدىگى سەبەپ بولعان، دەپ جازادى The Associated Press.

بەيجىڭنىڭ بۇل شەشىمى ك ح د ر- نىڭ سىرتقى الەمنەن بۇرىنعىسىنان دا بەتەر وقشاۋلانۋىنا اكەپ سوقتىردى. ەسكە سالا كەتسەك، رەسمي پحەنياننىڭ يادرولىق جانە زىمىران باعدارلامالارىن توقتاتپاۋىنا بايلانىستى ب ۇ ۇ ءبىرقاتار سانكسيالار جاريالاعان بولاتىن.

 اۆتور: نۇرلان تۇياقوۆ