12:29, 22 - قاراشا 2017 | GMT +6
رەسەيلىك بەلدى ءدىنباسى اقىرزامان كەلە جاتقانىن ايتىپ، دابىل قاقتى
استانا. قازاقپارات - رەسەي پاتريارحى كيريلل عيباداتحانادا ءسوز سويلەۋى كەزىندە اقىر زامان كەلە جاتقانىن ايتىپ، دابىل قاقتى.
بۇل تۋرالى vesti.uz سايتى حابارلايدى.
«اپوستول ءارى يەۆانگەليست يوانن بوگوسلوۆ ايتىپ كەتكەن تاريحتىڭ قورقىنىشتى كەزەڭدەرى جاقىنداپ قالعانىن بايقاماۋ ءۇشىن كور سوقىر بولۋ كەرەك. بۇگىندە كۇنا ايشىق بولا تۇسكەنى سونشالىق، ونى كينو جانە تەاتر ارقىلى ەركىن كورسەتىپ جاتىر. ادامنىڭ مادەنيەتىن كوتەرىپ، بايىتۋى ءتيىس ونەر اسقاقتاتۋدىڭ ورنىنا، كەرى تارتىپ جاتىر... ادامزات وركەنيەتىنىڭ قيىن-قىستاۋ كەزەڭىنە اياق باسىپ جاتقانىمىزدى ەسكەرە وتىرىپ، شىركەۋ دە، ونەر مەن مادەنيەت تە، بارلىق وتانىن سۇيەتىن عالىمدار دا كۇشتەرىن بىرىكتىرۋى ءتيىس»، - دەيدى پاتريارح.