توتەنشە جاعدايلاردى جويۋ جونىندە قازاقستان-رەسەي وقۋ جاتتىعۋلارى وتەدى
جاتتىعۋ تابيعي جانە تەحنيكالىق توتەنشە جاعدايلاردى جويۋ مەن ەسكەرتۋ جونىندە كەشەندى ءىس-شارالار وتكىزۋدى قامتيدى.
وندا اۋىر جۇك جانە جولاۋشىلار تاسىمالدايتىن اۆتوكولىك قۇرالدارىنىڭ، جەڭىل اۆتوكولىكتەردىڭ قاتىسۋىمەن قالىڭ قار جاۋعان كەزدە نەمەسە قاتتى جەلدىڭ سالدارىنان جانە باسقا دا جول-كولىك وقيعالارىنا سەبەپ بولاتىن ءتۇرلى جاعدايلاردىڭ الدىن الۋ ماسەلەلەرى قاراستىرىلادى.
ءىس-شارا تەوريالىق جانە تاجىريبەلىك بولىپ ەكى بولىمنەن تۇرادى. ءبىرىنشى كۇنى، 22 قاراشادا «التاي» شىعىس قازاقستان وڭىرلىك پاركىندە ەكى ەل جول قىزمەتىنىڭ قىس كەزىندە اۆتوموبيل جولدارىنداعى ءوزارا ءىس-قيمىلى ماسەلەلەرى تالقىلانادى.
سونداي-اق، اۆتوجولداردى سالعان كەزدە جانە جوندەۋدەن وتكىزگەندە قولدانىلاتىن تەحنولوگيالار مەن كۇتىپ ۇستاۋ ەرەكشەلىكتەرى تە تالقىعا تۇسپەك. وقۋ-جاتتىعۋ بارىسىندا اۆتوجول قىزمەتىنىڭ، ت ج م قىزمەتىنىڭ، ءى ءى م، العاشقى مەديتسينالىق كومەك كورسەتەتىن قىزمەت پەن باسقا دا قاجەتتى قىزمەتتەردىڭ قاۋىپسىزدىكتى قامتاماسىز ەتۋ شارالارى كورسەتىلەتىن بولادى.
ايتا كەتەيىك، ءىس-شارانىڭ نەگىزگى قاتىسۋشىلارى ق ر ينۆەستيتسيالار جانە دامۋ مينيسترلىگى، اۆتوموبيل جولدارى كوميتەتى. سونداي-اق، شىعىس قازاقستان وبلىسىنىڭ اكىمدىگى، «قازاۆتوجول» ۇ ك» ا ق، «روساۆتودور» فەدەرالدى جول اگەنتتىگى، «كازاحاۆتودور» ج ش س، ق ر ءى ءى م ش ق و بويىنشا توتەنشە جاعدايلار دەپارتامەنتىنىڭ، ش ق و ءى ءى د مەن رەسەي فەدەراتسياسىنىڭ ازاماتتىق قورعانىس ىستەرى جونىندەگى مينيسترلىكتىڭ التاي ولكەسى بويىنشا تابيعي اپاتتاردىڭ سالدارىن جويۋ جونىندەگى باس باسقارماسىنىڭ، «التايۋپراۆتودور» فەدەرالدىق مەملەكەتتىك مەكەمەسى مەن تاعى باسقا دا وسى سالاعا قاتىستى مەكەمەلەردىڭ وكىلدەرى قاتىسادى.