قازاق كۇرەسى تۇڭعىش رەت كونفەدەراتسيا كۋبوگىنا قوسىلدى

استانا. قازاقپارات - ءتول سپورتىمىز قازاق كۇرەسى بيىل تۇڭعىش رەت كونفەدەراتسيا كۋبوگى اياسىندا وتەتىن دودانىڭ باعدارلاماسىنا ەندى، دەپ حابارلايدى قازاقپارات ءتىلشىسى

كونفەدەراتسيا كۋبوگى بيىل ەكىنشى رەت جالاۋىن جەلبىرەتەدى. وعان وسىعان دەيىن بوكس، دزيۋدو، تاەكۆوندو، گرەك-ريم جانە ەركىن كۇرەس تۇرلەرى ەنگەن بولاتىن.

بيىلدان باستاپ ەرەكشە فورماتتاعى جارىسقا قازاقتىڭ ءتول سپورتى قازاق كۇرەسى قوسىلىپ وتىر.

جەلتوقساننىڭ 1 ءى كۇنى الماتىدا قازاق كۇرەسىنەن كلۋبتار اراسىنداعى جارىستىڭ ىرىكتەۋ كەزەڭى وتسە، جەلتوقساننىڭ 2-3 كۇندەرى بالۋان شولاق اتىنداعى سپورت سارايىندا ىرىكتەۋدەن وتكەن 4 كوماندا كونفەدەراتسيا كۋبوگىنىڭ اياسىندا ءوزارا جۇلدەگەرلەردى انىقتايدى.

اۆتور: كۇنسۇلتان وتارباي