10:10, 22 - قاراشا 2017 | GMT +6
بريتانيا پاتشايىمى الەمدەگى ەڭ قارت مەملەكەت باسشىسىنا اينالدى
استانا. قازاقپارات - زيمبابۆە پرەزيدەنتى روبەرت مۋگابە وتستاۆكاعا كەتكەننەن سوڭ ۇلى بريتانيا پاتشايىمى IIەليزاۆەتا الەمدەگى ەڭ قارت مەملەكەت باسشىسىنا اينالدى.
بريتانيانىڭ Daily Mail باسىلىمىنىڭ جازۋىنشا، زيمبابۆەنى 37 جىل باسقارعان 93 جاستاعى مۋگابە سەيسەنبى كۇنى پرەزيدەنت لاۋازىمىنان كەتكەنىن جاريالاعاننان كەيىن وسى بەيرەسمي اتاق بىرىككەن كورولدىكتى باسقارىپ وتىرعان 91 جاستاعى II ەليزاۆەتاعا وتكەن.
ەكىنشى ورىنعا تۋنيستىڭ 90 جاستاعى پرەزيدەنتى بەدجي قايد ءاس-سەبسي شىقتى، ال ءۇشىنشى ورىندا كۋۆەيت ءامىرى ساباح ءال-احماد ءال-دجابەر ءاس-ساباح تۇر.
ونىڭ جاسى 88 دە. ودان كەيىنگى ورىنداردا كۋبا مەملەكەتتىك كەڭەسىنىڭ جانە مينيسترلەر كەڭەسىنىڭ ءتوراعاسى راۋل كاسترو (86)، كامەرۋن پرەزيدەنتى پول بييا (84)، ليۆان پرەزيدەنتى ميشەل اۋن (84)، جاپونيا يمپەراتورى اكيحيتو (83)، ساۋد ارابياسىنىڭ كورولى سالمان بەن ابدۋلازيز (81) كەلەدى.