پاكىستاندىق ساراپشى قازاقستانمەن ىنتىماقتاستىقتى دامىتۋدىڭ جاڭا مۇمكىندىكتەرىن اتادى
- ايتا كەتەيىن، تۋرا ءبىر اپتا بۇرىن قازاقستاندا Astana Club-2017 شارالارىنا قاتىسىپ قايتىپ ەدىم. قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن وتكەن شارا جوعارى دەڭگەيدە ۇيىمداستىرىلدى، الدىڭعى قاتارلى ساراپشىلارعا وڭىردەگى قاۋىپسىزدىكتىڭ وزەكتى ماسەلەلەرىن تالقىلاۋ مۇمكىندىگىن بەردى.
قازاقستان حالقى ءۇشىن جەلتوقسان ايىنىڭ ماڭىزى ەرەكشە جوعارى. بۇل ايدا ەكى بىردەي مەملەكەتتىك مەرەكە - تۇڭعىش پرەزيدەنت كۇنى جانە تاۋەلسىزدىك كۇنى تويلانادى. مەنىڭشە، بۇل مەيرامدار ءبىر-بىرىمەن تىكەلەي بايلانىستى. نۇرسۇلتان نازاربايەۆتىڭ بۇگىنگى قازاقستان تاۋەلسىزدىگىن نىعايتۋداعى قىزمەتى وراسان زور، - دەدى پاكىستاندىق ساراپشى.
وسى ءساتتى پايدالانا وتىرىپ ول باۋىرلاس حالىقتى الداعى مەرەكەلەرمەن قۇتتىقتادى.
- ءسىزدىڭ ەلىڭىز ساياساتتا، ەكونوميكادا قول جەتكىزگەن جەتىستىكتەردىڭ كۋاسى بولىپ وتىرمىن. بۇدان تىس، قازاقستاندىقتاردىڭ، اسىرەسە جاستاردىڭ ومىرىندەگى رۋحاني وزگەرىستەر ايقىن بايقالادى. جاس قازاقستاندىقتار ەل جەتىستىكتەرىنە قۋانىشتى، - دەدى حاليد ماحمۋد.
سونداي-اق ونىڭ پىكىرىنشە، قازاقستاننىڭ بۇۇ قاۋىپسىزدىك كەڭەسىندەگى ءتوراعالىعى (2018-جىلدىڭ قاڭتارىندا - «قازاقپارات» ح ا ا رەسپۋبليكانىڭ حالىقارالىق ارەناداعى بەدەلىن ودان ءارى نىعايتا تۇسەدى. قازاقستان استانادا «ەكسپو-2017» كورمەسىن دە ءساتتى وتكىزدى.
- بۇگىنگى تاڭدا پاكىستان قازاقستاننىڭ دامۋىنا ەرەكشە ىقىلاسپەن كوز تىگىپ وتىر. ويتكەنى ەلدەرىمىزدى وڭىردەگى ساياسي ماسەلەلەر جونىندەگى جالپى ۇستانىمدار، لاڭكەستىككە قارسى كۇرەس، ءدىن جانە مادەنيەت سەكىلدى كوپتەگەن فاكتورلار بايلانىستىرىپ تۇر، - دەيدى ساراپشى.